Böyük Britaniyanın baş naziri, martın 27-də koronavirusa yoluxduğu təsdiqlənən Boris Consonun vəziyyəti ağırlaşıb.
EDNews xarici KİV-lərə istinadən xəbər verir ki, koronavirusdan iqamətgahında müalicə alan Consonun həkimi onun vəziyyətinin ağırlaşdığına görə xəstəxanaya aparılması barədə qərar verib. Bildirilir ki, baş nazirin temperaturu aşağı düşmür və öskürəyi ara vermir, onun tənəffüs problemi yaranıb.
Daha sonra ölkənin səhiyyə sistemindəki qaynaqlar bildirib ki, Boris Conson aparıldığı xəstəxanaya süni tənəffüs aparatına qoşulub. “Conson təcili reanimasiyaya yerləşdirilib, ona ağ ciyərlərin süni nəfəs aparatı qoşulub”,--mənbə bildirib.(virtualaz.org)