Koronavirusla birgə mübarizə aparan 88 yaşlı cütlük pandemiyaya qalib gəldi | Eurasia Diary - ednews.net

4 İyun, Cümə axşamı


Koronavirusla birgə mübarizə aparan 88 yaşlı cütlük pandemiyaya qalib gəldi

Dünya A- A A+

İspaniyada 65 il birgə yaşayan cütlük eyni gündə koronavirusa qalib gələrək, xəstəxanadan evə buraxılıb.

EdNews Elpais.com-a istinadən  xəbər verir ki, 1955-ci ildə ailə həyatı quran Xose Prieto Serrudo və Qvadalupe Matas Ernandesin yeddi qız övladı var.

8 martda cütlük evliliklərinin 65 illiyini qeyd edib. Bir gün sonra isə Xose Prieto yüksək hərarətdən və şiddətli baş ağrılarından şikayət edərək, xəstəxanaya yerləşdirilib. Onun koronavirus testi müsbət çıxıb.

Bir neçə gün sonra Qvadalupe Matas da koronavirusa yoluxub və onuhəyat yoldaşının müalicə aldığı xəstəxanaya yerləşdiriblər.

Xəstəxananın qaydalarına görə, müalicə alan şəxslərin ayrı palatalarda yatması tələb olunsa da, cütlüyün bir yerdə qalmasına icazə verilib.

Birlikdə COVID-19-la mübarizə aparan ər-arvad pandemiyaya qalib gələrək, eyni gündə evə buraxılıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...