İsrail ilə Birləşmiş Ərəb Əmirlikləri arasındakı qalmaqallı müqavilənin memarı olan ABŞ liderinin baş məsləhətçisi indi də Riyad rəhbərliyi tərəfindən atılacaq növbəti addımı elan etdi. Bu barədə Eurasia Diary Anadolu Agentliyinə istinadən xəbər verir.
ABŞ Prezidenti Donald Trampın baş məsləhətçisi və kürəkəni Cared Kuşner, Səudiyyə Ərəbistanının bütün ölkələrdən İsrailə həyata keçirilən şərq istiqamətində olan qarşılıqlı uçuşlar üçün öz hava məkanından istifadə etməyə icazə verəcəyini açıqladı.
Səudiyyə Ərəbistanının Təl-Əviv-Əbu-Dabi uçuşları üçün hava sahəsini artıq açdığını xatırladan Kuşner, "Səudiyyə Ərəbistanı hökuməti yalnız İsrail ilə Birləşmiş Ərəb Əmirlikləri arasındakı uçuşlara deyil, İsrailin bütün şərq istiqamətli qarşılıqlı uçuşlarına razılıq verdi", o deyib.
Kuşner, Səudiyyə Ərəbistanının Kralı Salman bin Əbdüləzizə və vəliəhd Məhəmməd bin Salmana Səudiyyə Ərəbistanının hava sahəsindən İsrail uçuşları üçün istifadə etmək istəyənlərə icazə verəcəyini ifadə edərək minnətdarlığını bildirdi.
"Həm Kral Salman bin Əbdüləziz, həm də vəliəhd Məhəmməd bin Salman, Fələstinlilərin ədalətli bir saziş üzərində işləyib, həyat şərtlərini yaxşılaşdırmalarını istəyirlər", deyə Kuşner bildirib.