Eurasia Diary-nin “Past” qəzetinə istinadən verdiyi xəbərə görə, ondan çox istefa ərizəsi artıq Ermənistan Xarici İşlər Nazirliyinə təqdim edilmişdir.

 

“Xarici İşlər Nazirliyinin nümayəndəsi qəzetə verdiyi müsahibədə istefaların Ermənistan hakimiyyətinin anlaşılmaz xarici siyasəti və Paşinyanın Lilit Makunts da daxil olmaqla bir sıra siyasi xadimləri səfir təyin etmək istəyi ilə əlaqəli olduğunu qeyd edib. Yəni təcrübəli və peşəkar diplomatlar Nikol Paşinyan tərəfindən bu sahədə olan siyasi və “biabırçı həddə zəif” təyinatlardan narazıdırlar.

 

Əldə etdiyimiz məlumata görə, xarici işlər naziri Ara Ayvazyan ilə Nikol Paşinyan arasındakı münasibətlər də çox da hamar deyil, bu qısa müddət ərzində Ayvazyan baş nazirin yanaşması ilə razılaşmadığını dəfələrlə çox açıq şəkildə ifadə edib. Yaxın gələcəkdə Ayvazyanın özünün də istefa edə biləcəyi barədə məlumatımız var”, deyə qəzet yazır.