Dünya müdafiə sənayesi dayanmadan yeni silahlar istifadəyə verir. Bunların sırasında yeni nəsil silahlar xüsusi diqqət çəkir.
Eurasia Diary xəbər verir ki, Türkiyənin yeni istehsal etdiyi silah bir güllə belə atmadan hədəfləri məhv edə bilər.
Türkiyənin ROKETSAN şirkəti yeni silahı olan ALKA sistemini təqdim edib.
Elektromaqnetik və lazer enerjisini bəlli bir nöqtəyə yönləndirən ALKA silahı toplu və ya tək halda olan dronları zərərsizləşdirmək imkanına sahibdir.
ALKA yönləndirilmiş enerjini hədəf üzərində yüksək həssaslıqla yığdığına görə hədəfi istənilən nöqtəsindən vura bilər.
Sistemin reaksiya qabiliyyəti işıq sürətinə yaxındır. Eyni zamanda həm gecə, həm də gündüz şərtlərində fəaliyyət göstərir.
ALKA istifadəçi ehtiyaclarına görə mobil və sabit istifadə oluna bilir. Sabit sistemlər gəmi, qərargah və s. yerlərdə istifadə edilə bilər.
Üzərində olan radar və optik sistemlərə görə bir neçə hədəfə qarşı istifadə oluna bilər.
Hal-hazırda ALKA-nın inkişaf etdirilməsi və test sınaqları davam etdirilir. Bu silah növləri gələcək savaşların formasını dəyişdirəcək.
Qeyd edək ki, ən sürətli roket 8346 km/saat olduğu təqdirdə yönləndirilmiş enerji silahlarının sürəti isə işıq sürətilə saatda 300 min kilometrə çatır. Bu cür silahlar enerji mənbəyi kəsilmədikcə davamlı istifadə oluna bilər. Bu silahların maliyyəsi kimyəvi və kietik silahlara nisbətən olduqca aşağı hesab edilir.
Patriot silahının bir atışının maliyyəsi 3.3 milyon dollar ikən, bu silahların bir atışının maliyyəsi bir dollardır.