Ermənistanın Baş naziri Nikol Paşinyan bu gün səhər feysbuk səhfəsində Müdafiə Nazirliyinin əməllərindən yazıb.

Eurasia Diary həmin postu təqdim edir:

"İki faktı vurğulamaq istəyirəm:

Hökumətin qərarı ilə 1 iyun 2019-cu il tarixindən etibarən Ermənistan ordusunun hərbi qulluqçularının aylıq əmək haqqı artırılıb (...).

2020-ci il büdcəsində Müdafiə Nazirliyinə 307 milyard dram ayrılıb ki, bu da 2018-ci ildəki faktiki göstəricidən 28% və ya 66 milyard dram çoxdur, 2017-ci ildəki faktiki [rəqəmdən] isə təxminən 4,5% çoxdur.

2018-ci ilin may ayından bəri, Ermənistan Respublikası gözlənilən dövrlə müqayisədə misilsiz miqdarda silah və sursat əldə edib.

Silahlı Qüvvələr hava hücumundan müdafiə vasitələri, artilleriya vasitələri, zenit sistemləri, atıcı silahlar, döyüş sursatları, 310 ədəd avtomobil avadanlığı ilə təchiz olunub.

Yeri gəlmişkən, nəyin alınmasına qərarı Müdafiə Nazirliyimiz və Baş Qərargah [Silahlı Qüvvələrin] verib, hökumət isə sadəcə lazımi vəsaiti təmin edib”, deyə Paşinyan qeyd edib.

Qeyd edək ki, dünən səhər Silahlı Qüvvələrin Baş Qərargahı, yüksək rütbəli hərbi məmurlar Baş nazir Nikol Paşinyan və hökumətinin istefasını tələb edib. Lakin Paşinyan bu addımı "hərbi çevriliş cəhdi" kimi qiymətləndirib.