Ermənistanın Vayots Dzor vilayətinin rəisinin müavini, xalq ordusu polkovniki Arayik Muradyan istefa verib.

Eurasia Diary Ordu.az-a istinadən xəbər verir ki, o, istefa bəyanatında bildirib:

"Əziz həmvətənlər, dövlət quruculuğu işində iştirakı olaraq, ölkədə yaranmış vəziyyəti qəbuledilməz hesab edərək Vayots Dzor vilayətinin rəisinin müavini-xalq ordusu hərbi birləşməsinin rəhbəri (komandiri) vəzifəsindən istefa verirəm və ləyaqətli zabit kimi bildirirəm ki, Ermənistan Silahlı Qüvvələrinin Baş Qərargahının bəyanatına qoşuluram və Baş Qərargah rəisi, general-leytenant Onik Qasparyana dəstəyimi bildirirəm.

Silah yoldaşlarımı, erməni ordusunun hərbi qulluçularını doğma sərhədlərimizi möhkəm saxlamağa, sayıqlığı itirməməyə və öz işlərini tam məsuliyyətlə icra etməyə çağırıram".