Türkiyə yeni raketini Azərbaycana da verəcək - Türk polkovnik | Eurasia Diary - ednews.net

18 May, Çərşənbə axşamı


Türkiyə yeni raketini Azərbaycana da verəcək - Türk polkovnik

Dünya A- A A+

Türkiyə Prezidenti Rəcəb Tayyib Ərdoğan şəxsi “Twitter” hesabında bildirib ki, onun ölkəsi “havadan-havaya” raket texnologiyasına sahib nadir ölkələrdən biri olmağı bacardı.

Qardaş ölkənin mühəndislərinin GÖKTUĞ layihəsi çərçivəsində hazırladıqları hava raketi “Bozdoğan” ilk atəşlə hədəfi tam məhv etməyə nail oldu.

Bəs böyük sevincə səbəb olmuş bu kiçik cümlələrin anlamı nədir? Bu barədə bizimyol.info-ya keçmiş F16 təyyarə pilotu, ehtiyatda olan polkovnik Osman Başıbüyük məlumat verib.

Osman Başıbüyük
Osman Başıbüyük

“Türkiyə uzun illərdir xaricdən çətin imkanlarla tədarük etdiyi silah və texnologiyaları indi özü istehsal etməyə başlayıb. “Bozdoğan” bütün dünyada olmayan bir ilkə imza atıb. Bu havadan gələn təhdidilərə, yəni raketlərə, helikopterlərə, qırıcı təyyarələrə, pilotsuz uçan aparatlara qarşı istifadə ediləcək qısa mənzilli, yüksək texnologiyalı raketlərdir.

Başqa raketlərdən üstünlüyü nələrdir? Bəzi raketlər yalnız dəniz hədəflərinə, bəziləri yalnız yerüstü hədəflərə yönəldilmək üçündür. Ən çətini hava hədəflərini vuran hava raketlərinin hazırlanmasıydı. Bu raket səs sürəti ilə gələn və yaxşı manevr imkanları, aldatma sistemləri olan elektronik cihazları yüksək qarışdırma imkanarına malik düşmən təyyarəsinə qarşı dayanmaq imkanı verdi. 2013-cü ildə layihəyə başladıq. Layihənin adı “Göktuğ”dur. 2 raketdən ibarətdir. Birisi bu gün testini etdiyimiz “Bozdoğan”, digəri “Göydoğan”dır. Test başa çatdıqdan sonra orduda tətbiqinə başlanacaq. Türkiyə hər nə qədər ABŞ və NATO-nun müttəfiqi olsa da, güclü durmaq, özünü ən güclü şəkildə müdafiə etmək qabiliyyətinə malik olmalıdır. Öz mühafizəmizi özümüz etməliyik. Bu kimi silahları özün hazırlayıb, proqramını özün yazmırsansa, o sənin sayıla bilməz, kənardan müdaxiləyə açıqdır.

İkincisi, dünyada bu raketləri buraxa bilən 10 ölkə belə yoxdur. Yəni pulun olsa belə, müharibə zamanı belə raketləri əldə etmək çətin olur.

Raketlərin burnundakı sistem yalnız istiyə reaksiya verirdi. Bu o deməkdir ki, köhnə döyüş təyyarələrində hava döyüşü zamanı düşmənə raket ata bilmək üçün onun arxasına keçmək lazım idi. Bu raketlər düşmənin arxasına keçmədən, yanından, qarşıdan atəş açmaq imkanı verir. Üstəlik, F16-lar arxadan gələn və istiyə həssas raketləri yayındırmaq üçün fişəng atıb özlərini qoruya, gizlədə bilirdilər. Bizim “Göydoğan”ımız raketlə təyyarəni, fişəngi ayırmağı bacaran ağıllı bir sistemdir”,- deyə pplkovnik qeyd edib.

O, Türkiyənin uğuru sayılan bu yeni texnoloji nailiyyətin geniş istehsalı və satış imkanları barədə də danışıb.

“Bu layihənin geniş istehsala başlaması üçün testlərin tamamlanması lazımdır. Düşünürəm ki, bu ilin sonunda istehsalına başlanılacaq.Türkiyə və Azərbaycan qardaş ölkə olduğu üçün hesab edirəm ki, ən yaxın müttəfiqimiz olan can Azərbaycanın da bu raketlərə olan ehtiyacını ödəyəcəyik”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...