ABŞ qoşunlarının Əfqanıstandan çıxarılması sülh prosesinə ciddi zərbə vurub - Çindən reaksiya | Eurasia Diary - ednews.net

15 İyun, Çərşənbə axşamı


ABŞ qoşunlarının Əfqanıstandan çıxarılması sülh prosesinə ciddi zərbə vurub - Çindən reaksiya

Dünya A- A A+

Çin xarici işlər naziri Van İ hesab edir ki, ABŞ qoşunlarını tələsik Əfqanıstandan çıxarandan sonra Birləşmiş Millətlər Təşkilatı (BMT) orada barışıq və sabitliyi təmin edə biləcək. 

Eurasia Diary xəbər verir ki, bu barədə Çin Xarici İşlər Nazirliyi məlumat yayıb.

“ABŞ əsgərlərinin Əfqanıstandan tələsik çıxarılması bu ölkədəki sülh prosesinə ciddi zərbə vurub. İnanırıq ki, BMT bu vəziyyətdə lazımi rolunu oynaya bilər”, - Van İ pakistanlı həmkarı Şah Mahmud Qureshi ilə telefon danışığında bildirib.

Çinli nazir Şanxay Əməkdaşlıq Təşkilatına üzv ölkələrin Əfqanıstandakı vəziyyətin həllinə diqqətlə yanaşmalı olduğunu vurğulayıb və Pakistanın bu istiqamətdəki səylərini də yüksək qiymətləndirib: “Pekin və İslamabad strateji dialoqu gücləndirməli və Əfqanıstanda sülhün bərpasında daha fəal rol oynamalıdır”.

14 noyabrda ABŞ Prezidenti Co Bayden Əfqanıstanda ABŞ tarixində ən uzun xarici hərbi kampaniyaya çevrilən əməliyyatı sona çatdırmaq qərarına gəldiyini bildirib. Qoşunların geri çəkilməsinə artıq başlanılıb. ABŞ kontingentinin ölkəni 11 sentyabr tarixinə qədər tərk etməsi gözlənilir. 2010-2013-cü illərdə Əfqanıstanda yerləşdirilən Qərb qüvvələrinin sayı zirvəyə çatıb və 150 ​​min nəfəri keçib. 2014-cü ildə isə Vaşinqton və NATO əsas döyüş birliklərini oradan geri çəkib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...