Türkiyədə mafiya lideri kimi tanınan Sedat Pekerin ard-arda yayımladığı videolar Türkiyə cəmiyyətin silkələməyə başlayıb. Müxalifət liderlərinin youtube üzərindən yayımlanan müsahibə və çıxışlarının izlənmə sayı bir qayda olaraq yüz mini keçməddiyi halda, Sedat Pekerin videoları milyonlar tərəfindən izlənir. Ard-arda yayımlanan videoların izləyicilərinin sayında da artım müşahidə olunur. Belə ki, iki həftə əvvəl yayımlanan “Şahsıma Yapılan Kanunsuzlukların Taşeronu mehmet ağar ve pelikancılardır” başlıqlı ilk videonun izlənmə sayı bu sətirlər yazıldığı zaman 2 212 942 olduğu halda, “mehmet ağar ve pelikancıların Gerçek Yüzü (Ödeşmek Adettendir!)” başlıqlı ikinci videonun izlənmə sayı 3 166 891, “Derin Devletçiler, Pelikancılar; Bir Tripoda, Bir Kameraya Yenileceksiniz” başlıqlı üçüncü videonun izlənmə sayı 3 412 216, “Bazıları Aslan Hikayesini Anlatmadan Avcının Hikayesine İnandılar. Görüşeceğiz” başlıqlı iki gün öncə yayımlanan dördüncü videonun izlənmə sayı 4 403 983 idi. Rəqəmlərdən də aydın görünür ki, dördüncü video birinci videodan iki dəfə artıq izlənib. Sedat Pekerin ard-arda yayımladığı videoların şərhinə həsr olunmuş videoların izlənmə sayı da yüz minlərlə ölçülür.
Sedat Pekerin ard-arda yayımladığı videolar iqtidara çox ağır zərbə vurmaqdadır. Doğrudur, Sedat Peker prezident Rəcəb Tayyib Ərdoğanı hədəf almır. Amma Ərdoğanın ailə üzvlərini, ən yaxın kadrlarını hədəf alır. Türkiyə cəmiyyəti Sedat Pekerin yayımladığı videoların və həmin videoalarla bağlı şərhlərinin təsiri altında silkələnir. 2007-2011-ci illərdə Baş nazirin müavini, 2011-2015-ci illərdə Türkiyə Böyük Millət Məclisinin sədri olmuş Cəmil Çiçək mətbuata verdiyi açıqlamada deyib ki, Pekerin iddialarının mində biri doğrudursa, bu fəlakət deməkdir.
