Rusiya Silahlı Qüvvələri mayın 25-də nüvə bombası daşıya bilən 3 uzaqmənzilli bombardmançı təyyarəsini Suriyadakı bazasına yerləşdirib. Nazirlikdən verilən açıqlamada, bunun Moskvanın Aralıq dənizində hərbi mövcudiyyətini gücləndirmək məqsədi daşıdığı qeyd edilir.
Eurasia Diary Mehr agentliyinə istinadən xəbər verir ki, Rusiya Müdafiə Nazirliyi 3 ədəd Tu-22M3 bombardmançısını Suriyanın sahil əyaləti Latakiyada yerləşən və Moskvanın əməliyyatları üçün əsas mərkəzi olan Xmeymim hava bazasına göndərib.
Nazirlik rəsmisi bombardmançı təyyarələrin Aralıq dənizi üzərində bir sıra təlim məşqlərini həyata keçirəcəyini söyləyib. Qeyd edək ki, NATO tərəfindən kod adı “Əkshücum” olan səsdən sürətli Tu-22M3 təyyarəsi nüvə silahı daşımaq qabiliyyətinə malikdir, uçuş uzaqlığı 5000 kilometrdir (3100 mil).
Rusiya Müdafiə Nazirliyindən onu da bildiriblər ki, Xmeymimdəki uçuş-eniş zolağı ağır bombardmançıların enə bilməsi üçün uzadılıb, eyni zamanda ikinci uçuş-eniş zolağı hazırlanır.
