Ermənistan sərhədində rus sərhədçilər məsələsi | Eurasia Diary - ednews.net

26 İyul, Bazar ertəsi


Ermənistan sərhədində rus sərhədçilər məsələsi

Dünya A- A A+
Ermənistan və Rusiyanın Müdafiə nazirləri sərhəddə rus sərhədçilərin yerləşdirilməsi məsələsini müzakirə ediblər. Ermənistan Müdafiə Nazirliyindən bildirirlər ki, Vağarşak Harutyunyan Sergey Şoyqu ilə telefon danışığı zamanı Ermənistan-Azərbaycan sərhədində yaranmış vəziyyətin həll yolları haqqında danışaraq erməni tərəfinin mövqeyinin dəyişməz olduğunu qeyd edib.

Ermənistan Müdafiə Nazirliyindən rus sərhədçilərin yerləşdirilməsi və ya sayı barədə başqa detalları bildirmirlər. Məlumdur ki, müharibədən sonra Zəngəzurda rus sərhədçilər yerləşdiriilib, üstəlik, bu yaxınlarda hökumət bəzi vilayət icmalarının bir sıra kəndlərinin ərazilərini Rusiya Federal Təhlükəsizlik Xidmətinin Ermənistanda yerləşən sərhəd idarəsinə ayırıb.


Ermənistanda Baş nazir vəzifəsinin müvəqqəti icraçısı Nikol Paşinyan təxminən 20 gün əvvəl Təhlükəsizlik Şurasının iclası zamanı Ermənistan və Azərbaycan sərhədində yaranmış partlayış təhlükəli vəziyyəti həll etmək üçün Qeğarkunik vilayətinin Zod kəndindən Sünik vilayətinin Xəzinəvar sektoruna qədər olan təmas xəttindən hər iki tərəfin silahlı qüvvələrini geri çəkməyi təklif etmişdi.

Paşinyan orada Rusiyanın və ya ATƏT-in Minsk qrupunun həmsədrliyini təmsil edən ölkələrin müşahidəçilərini yerləşdirməyi, bundan sonra həmin bu müşahidəçilərin iştirakı ilə sərhəd nöqtələrinin dəqiqləşdirilməsi işinin aparılmasını təklif edirdi.

Rusiya əslində kifayət qədər çətin vəziyyətə düşüb. Moskva sülhməramlı missiya həyata keçirir və o, açıq şəkildə tərəfkeşlik nümayiş etdirə bilməz. Ermənistan da çətin bir vəziyyətə düşüb.

Rusiya Ermənistanın strateji müttəfiqidir, Ermənistanın təhlükəsizliyini təmin etməlidir. Şoyqu-Harutyunyan telefon danışığından anlayırıq ki, rus sərhədçilər məsələsi gündəmdədir, lakin digər tərəfdən də ATƏT-dən Ermənistan-Azərbaycan sərhədində beynəlxalq müşahidəçilər yerləşdirilməsi təklifinə birbaşa cavab hələ verilməyib.

Qeyd edək ki, ATƏT-in Minsk qrupunun son bəyanatında Minsk qrupu çərçivəsində Qarabağda çoxmillətli sülhməramlı qüvvələr yerləşdirmək məsələsini müzakirə etməyə hazır olduqları qeyd edilmişdi. Ermənistan-Azərbaycan sərhədində vəziyyət mayın 12-dən dəyişib.

Azərbaycan sonuncu dəfə Birləşmiş Ştatlar və Gürcüstanın vasitəçiliyi ilə Ermənistana 15 hərbi əsiri qaytarıb, bu zaman erməni tərəfi Ağdamın minalanmış ərazilərinin xəritəsini Bakıya təhvil verib.

Ordu.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...