Ermənistanın Baş naziri postuna Nikol Paşinyanın namizədliyi irəli sürülüb | Eurasia Diary - ednews.net

24 Sentyabr, Cümə

Ermənistanın Baş naziri postuna Nikol Paşinyanın namizədliyi irəli sürülüb

Dünya A- A A+

Ermənistan parlamentində çoxluqda olan “Vətəndaş müqaviləsi” fraksiyası Baş nazir səlahiyyətlərinin icra edən Nikol Paşinyanın namizədliyini bu posta irəli sürüb.

EDNews.net “Report”-a istinadən xəbər verir ki, bu barədə fraksiyanın katibi Nazeli Baqdasaryan feysbuk səhifəsində yazıb.

Ermənistan Konstitusiyasına əsasən, ölkə prezidenti yeni parlament səlahiyyətlərinin icrasına başlayandan dərhal sonra Baş nazir postuna çoxluğun nümayəndəsini təyin edir. Nazirlər Kabineti isə Baş nazir təyinatından sonra 15 gün ərzində formalaşır. Hökumət başçısı 20 gün ərzində parlamentə Nazirlər Kabinetinin proqramını təqdim etməlidir.

Qeyd edək ki, bu il iyunun 20-də Ermənistanda növbədənkənar parlament seçkiləri keçirilib. Seçkilərdə Ermənistanın Baş naziri səlahiyyətlərini icra edən Nikol Paşinyanın Vətəndaş Müqaviləsi Partiyası (71 deputat) qalib gəlib. Keçmiş prezident Robert Koçaryanın “Ermənistan” bloku 29 deputat, sabiq dövlət başçısı Serj Sarqsyan və Milli Təhlükəsizlik Xidmətinin keçmiş direktoru Artur Vanesyanın “Şərəf duyuram” bloku 7 deputatla parlamentdə təmsil olunurlar.

 

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...