Rusiya Müdafiə Nazirliyi Tacikistana 12 BRDM-2M modernləşdirilmiş zirehli kəşfiyyat-patrul maşını verib.
EDNews.net xəbər verir ki, bu məlumatı Rusiya Müdafiə Nazirliyi yayıb. Məlumata görə, hərbi texnikalar Əfqanıstanda situasiya ilə bağlı Tacikistana təqdim edilib.
Hərbi texnikanın təqdim edilməsi mərasimi zamanı çıxış edən Rusiya Mərkəzi Hərbi Dairəsi komandanının müavini general-mayor Yevgeni Çindyaki bildirib ki, Tacikistanın cənub sərhədləri yaxınlığında qeyri-stabilliyin artması fonunda birgə səylərlə təhlükəsizlik təmin edilir:
“Bu etibarlı və sınaqdan çıxmış texnikadır. O, Tacikistan ordusunun hərbi potensialını artıracaq və ölkənin müdafiəsinin təminatında daha bir fakt olacaq”.
