Onlar kosmosa uçarkən, mən bununla məşğul idim - Qeyts - ednews.net

25 Oktyabr, Bazar ertəsi

Onlar kosmosa uçarkən, mən bununla məşğul idim - Qeyts

Dünya A- A A+

Dünyanın ən varlı və ən nüfuzlu milyarderlərindən biri olan Bil Qeyts məşhur şoumen Ceyms Kordenlə müsahibəsində milyarderlərin kosmik yarışı ilə bağlı açıqlamalar verib.

EDNews.net xəbər verir ki, Qeyts milyarderlərin kosmosa uçuşu ilə bağlı fikirlərini belə ifadə edib:

“Kosmos? Burada, dünyada görəcəyimiz daha çox iş var. Milyarderlər kosmosa uçarkən mən malyariya və HİV kimi xəstəliklərdən qurtulmaqla məşğul idim”.

Qeyd edək ki, dünyaca məşhur “Tesla” şirkətinin rəhbəri İlon Mask sentyabrın 16 -da kosmik orbitə 4 "həvəskar astronavt" göndərmişdi. ABŞ-ın Florida ştatındakı Kennedi Kosmos Mərkəzindən atılan kapsul təxminən 575 kilometr yüksəkliyə çatmışdı. Ticarət nəhəngi “Amazon” rəhbəri Ceff Bezos da “Blue Origin” şirkəti tərəfindən hazırlanan kosmik gəmi ilə 20 iyul tarixində 106 kilometr yüksəkliyə qalxaraq kosmos səyahətini həyata keçirmişdi. İngilis iş adamı Ser Riçard Branson da 11 iyulda şirkəti “Virgin Galactic” tərəfindən hazırlanan vasitə ilə kosmosun başlanğıc nöqtəsi hesab edilən nöqtədən 100 kilometr məsafə qət etmişdi.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...