“ABŞ müdafiə qüvvələrini möhkəmləndirmək, onun Avroatlantik inteqrasiyasını asanlaşdırmaq məsələsində Gürcüstana kömək etməyə sadiqdir və mən buradakı görüşləri səbirsizliklə gözləyirəm”, - deyə Gürcüstana gəlmiş ABŞ Müdafiə naziri Lloyd Oustin bildirib. Pentaqon rəhbəri Gürcüstan, Ukrayna və Rumıniyaya səfər edib. ABŞ Gürcüstanın müdafiə qabiliyyətini genişləndirmək və NATO-ya inteqrasiyanı sürətləndirmək istiqamətində vacib addımlar atmaq niyyətindədir, yoxsa Oustinin bəyanatı sadəcə Gürcüstana gəlmək halı ilə əlaqədardır, Tbilisidən uzaqlaşdıqdan sonra isə o, bütün bunları “unudacaq”?
Şübhəsiz ki, söhbət təkcə ABŞ-Gürcüstan və ya NATO-Gürcüstan münasibətlərindən getmir. ABŞ-ın hərəkətləri regional təhlükəsizlik sistemi baxımından vacib əhəmiyyət kəsb edəcək və bu da öz növbəsində bu sistemin “rus blokadası”na yol verməmək üçün dolayı şəkildə töhfə verə bilər.
Bu da öz növbəsində regionun hərbi-siyasi təhlükəsizlik məsələləri və gündəmləri baxımından vacib əhəmiyyətə malikdir. Regionda formalaşmış yeni konfiqurasiyalar halında Gürcüstanla ABŞ arasında müdafiə əməkdaşlığının dərinləşməsi, ABŞ-ın Gürcüstanın təhlükəsizlik çərçivəsindəki rolunun artması region üçün də vacib olur. Əlbəttə, burada bunun xüsusilə hansı şəkildə və ya formada baş verə biləcəyini anlamaq vacibdir. ABŞ Gürcüstanda hərbi-texniki və texnoloji, yoxsa institusional varlığını genişləndirəcək?
Xatırlamaq lazımdır ki, hələ 2020-ci ilin sonunda ABŞ dövlət katibi Mayk Pompeo Gürcüstana səfər edəndə Tbilisi Qafqazın müharibədən sonrakı yeni vəziyyətinə “istinad” edərək ABŞ-a demək olar açıq şəkildə Gürcüstanda hərbi varlıq təklif etmişdi.
Fəaliyyətinin başa çatmasına 1-2 ay qalan Tramp administrasiyası sanki Gürcüstanın bu müraciətinə gedişat vermədi. Bayden administrasiyası buna necə yanaşacaq? Əlbəttə, bu baxımdan Gürcüstanın təklifi bu dəfə Bayden administrasiyasının yüksək dərəcəli səlahiyyətlisini qonaq qəbul edərkən təkrarlayıb-təkrarlamayacağı maraqlıdır.
ABŞ Gürcüstanda hərbi baza qura bilər Rəsmi Tbilisi təklifi təkrarlayacaq?
DİGƏR XƏBƏRLƏR
HamısıGünün xəbərləri