Rusiyada kömür mədənində olan yanğının təfərrüatları - ednews.net

5 Dekabr,

Rusiyada kömür mədənində olan yanğının təfərrüatları

Dünya A- A A+

Cümə axşamı, noyabrın 25-də şaxtaçı Ruslan Klementyev Kemerovo vilayətində “Listvyajnaya Mine” kömür mədənində baş vermiş yanğın hadisəsinin təfərrüatlarını bölüşüb.

“Bəlkə də partlayış oldu, bilmirəm. Mən birinci növbə üçün gəldim, üçüncü növbəni əvəz etməli idim. Kişilərlə birlikdə gedirdik, qəfildən partlayış oldu. Birinci növbəyə gələnlər iş yerinə çatmamış qaçmağa müvəffəq olublar”, - şaxtaçı “Zvezda” telekanalına müsahibəsində bildirib.

Qeyd edək ki, noyabrın 25-də səhər saatlarında “Listvyajnaya Mine” kömür mədənində yanğın baş verib. Yanğının yaranmasına səbəb, ehtimal ki, ventilyasiya sistemindəki partlayış olub. Yanğın nəticəsində 11 nəfər həlak olub, 46 nəfər yaralanıb. Hazırda mədəndə 35 şaxtaçı qalıb.

EDNews.net xəbər verir ki, Rusiya Prezidenti Vladimir Putin və baş nazir Mixail Mişustin baş vermiş yanğınla bağlı başsağlığı verib və fövqəladə vəziyyətin şəraitinin hərtərəfli araşdırılacağını, bütün zərərçəkənlərə lazımi yardım göstəriləcəyini bildiriblər.

Ölkədə noyabrın 26-dan 28-dək üç günlük matəm elan edib.

Hadisədən sonra 38 nəfər xəstəxanaya yerləşdirilib. Eyni zamanda Kemerovo vilayətinin qubernatoru şaxtada partlayıcı qazların yüksək konsentrasiyası ilə əlaqədar axtarış-xilasetmə işlərinin dayandırıldığı barədə məlumatı təsdiqləyib. Faktla bağlı cinayət işi başlanıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...