Tacikistan və Qırğızıstan parlamentləri Qazaxıstana sülhməramlı göndərilməsinə razılıq verib - Parlament təsdiqlədi - ednews.net

19 Yanvar, Çərşənbə

Tacikistan və Qırğızıstan parlamentləri Qazaxıstana sülhməramlı göndərilməsinə razılıq verib - Parlament təsdiqlədi

Dünya A- A A+

Tacikistan parlamenti Kollektiv Təhlükəsizlik Müqaviləsi Təşkilatının (KTMT) tərkibində Qazaxıstana sülhməramlı taborun göndərilməsi haqqında qərar qəbul edib.

EDNews.net “Report”a istinadən xəbər verir ki, bu barədə TASS məlumat yayıb.

Bir müddət əvvəl Tacikistanın Müdafiə Nazirliyi Qazaxıstana 200 nəfərdən ibarət sülhməramlı göndərməyə hazır olduğunu açıqlamışdı.

Qırğız Respublikasının parlamenti də Qazaxıstana sülhməramlı kontingent göndərilməsinə dair qərar qəbul edib. Bu məqsədlə qonşu dövlətə 150 hərbçi göndəriləcək.

Qeyd edək ki, KTMT Qazaxıstana 2 500 sülhməramlı göndərəcək.

***

Qırğızıstan parlamenti Kollektiv Təhlükəsizlik Müqaviləsi Təşkilatının (KTMT) sülhməramlı kontingenti tərkibində Qazaxıstana hərbçi göndərilməsi barədə qərarı təsdiqləyib.

EDNews.net-in APA-ya istinadən verdiyi xəbərə görə, müvafiq qərarın lehinə 69, əleyhinə 7 deputat səs verib.

Bu qərarla 150 qırğızıstanlı hərbçi və 19 zirehli texnika Qazaxıstana göndəriləcək.

Hərbi kontingent Qazaxıstanda əsas strateji dövlət və hərbi obyektləri mühafizə edəcək.

Qeyd edək ki, ötən gün Qırğızıstan Prezidenti və parlamenti Qazaxıstana hərbçi göndərilməsi barədə razılığa gələ bilmirdi.

Xatırladaq ki, KTMT-yə üzv Rusiya, Belarus, Ermənistan və Tacikistan Qazaxıstana sülhməramlı kontingent göndərmək barədə qərar verib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...