Politoloq Vladimir Kornilov ABŞ-la təhlükəsizlik üzrə danışıqlar hansısa məqamda çıxılmaz dalana dirənərsə, Moskvanın qondarma Donetsk və Luqansk "xalq respublikaları"nı tanıyacağını və onların Rusiyaya daxil olacağını proqnozlaşdırıb.
EDNews.net Moderator.az-a istinadən xəbər verir ki, poitoloq bu haqda Ukraina.ru-ya müsahibəsində danışıb.
“Mən həmişə o fikri müdafiə edirəm ki, Rusiya DXR və LPR-ni tanısın və nəticədə onları tam şəkildə, o cümlədən indiyədək müvəqqəti olaraq Ukrayna tərəfindən işğal olunmuş hissəni də öz tərkibinə qəbul etsin. İndi biz artıq belə fikirləri eşidirik. Xüsusən də bir çoxlarına Vladimir Putinin ağzından çıxan "DXR-LXR-nin hələlik tanınmayıblar" cümləsi təsi edib"-deyə V.Kornilov bildirib.
Bundan əvvəl Ukrayna Ali Radasının prezidentyönümlü “Xalqın xidmətçisi” fraksiyasından olan deputatı, Ukraynanın NATO Parlament Assambleyasındakı daimi nümayəndə heyətinin rəhbəri Yeqor Çernyov Rusiyanın Cenevrədə Vaşinqtonla danışıqlarının nəticəsiz qalması halında qondarma Donetsk və Luqansk "xalq respublikaları"nın tanıması ehtimalından narahatlığını ifadə etmişdi.