Türkiyədə yeni avtomatik minaatanlar təqdim edilib - ednews.net

27 May, Cümə

(+994 50) 229-39-11

Türkiyədə yeni avtomatik minaatanlar təqdim edilib

Dünya A- A A+

Türkiyənin ASELSAN şirkəti tərəfindən hazırlanmış “Alkar” avtomatik minaatan sisteminin yeni konfiqurasiyası təqdim edilib.

Ednews xəbər verir ki, bu barədə ölkənin Müdafiə Sənayesi Komitəsi məlumat yayıb.

“Alkar” silah sisteminin 120 mm-lik variantı müxtəlif yerli zirehli platformalara inteqrasiya edilib.

Minaatanların inteqrasiya olunmuş rəqəmsal atəş idarəetmə sistemi sayəsində dəqiqliyi və effektivliyi artıb. Bundan əlavə, qurğular ADOP-2000 sistemi ilə inteqrasiyada işləyə bilər. Atəşə nəzarət sistemi və ADOP-2000 inteqrasiyası ilə sistemin reaksiya müddəti xeyli qısalıb. “Alkar” modul quruluşu sayəsində bir çox mobil/hərəkətsiz hərbi platformaya inteqrasiya oluna bilir. Gələcək illərdə inventarda yer alması gözlənilən idarəolunan döyüş sursatları ilə fərqli sursat növlərini istifadə edə bilən sistemin səmərəliliyinin daha da artacağı proqnozlaşdırılır.

Taktiki-Texniki Xüsusiyyətləri:

Minimum mənzili: 1500 m
Maksimum mənzili: 8000 m
Lülənin uzunluğu: 1900 mm*
Geri təpmə qüvvəsi: < 25 ton
Atəş üçün hazırlıq vaxtı: < 1 dəqiqə

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...