“ANADOLU REPORT” analitik xəbər portalı Türkiyə və dünyada baş verən siyasi hadisələri oxuculara dəqiq və qərəzsiz çatdırmaq üçün fəaliyyətə başlayıb.
Bu barədə məlumatı saytın təsisçisi, siyasi analitik Selin Şenocak bildirib. O qeyd edib ki, yeni platformanın əsas məqsədi Türkiyə daxilində doğru və obyektiv məlumatları daxili auditoriyaya çatdırmaqla yanaşı, həm də ölkə daxili haqda xarici mediada geniş və aydın təsəvvür formalaşdırmaqdır. Bir sözlə sayt doğru xəbər formalaşdırmağı nəzərdə tutur.
Saytın adının Anadolu ilə başlaması həm də Türkiyənin qədim sivilizasiyaların qovşaq mərkəzi olması ilə əlaqədardır.
Bundan əlavə, Selin Şenocak yenicə fəaliyyətə başlayan saytda daima obyektiv və qərəzsiz analitik təhlillərin işıqlandırılacağını da bildirib.
“Dürüstlük, keyfiyyət və intellektuallıq kimi öhdəlikləri rəhbər tutaraq, mühüm, lakin əhatəli xəbərlərə, habelə məlumatların qaranlıq tərəflərinə xüsusi diqqət yetirəcəyik. Buna görə də "Anadolu Report"un təhlillərinin bir mütəxəssis qrupu tərəfindən aparılan keyfiyyət və kəmiyyət işlərinin nəticəsi olacağına ümid edirik”.
Bu münasibətlə başda Beynəlxalq Avrasiya Mətbuat Fondunun prezidenti Umud Mirzəyev olmaqla, BAMF ailəsinin bütün əməkdaşları adından Selin Şenocak və komandasını təbrik edir və yeni fəaliyyətlərində onlara uğurlar arzulayırıq.
