İrəvandakı partlayışın səbəbkarları kimlərdir? - Revanşist qüvvələr yoxsa hakimiyyət...- ŞƏRH - ednews.net

4 Oktyabr, Çərşənbə axşamı

(+994 50) 229-39-11

İrəvandakı partlayışın səbəbkarları kimlərdir? - Revanşist qüvvələr yoxsa hakimiyyət...- ŞƏRH

Dünya A- A A+

Ermənistanda ciddi qarışıqlıq yaranmağa başlayıb. Bir tərəfdən hakimiyyət, digər tərəfdən müxalifət bir-birini İrəvan daxilində baş verən terror hadisələrinə görə ittiham etməyə başlayıb. Belə ki, ötən gün Ermənistanın paytaxtında yerləşən “Sürməli” ticarət mərkəzində baş verən partlayış cidd səs-küyə səbəb olub.

Bəzi müxalif yönümlü media qurumları Ermənistan hakimiyyətinin bu yolla müxalifəti prosseslərdən tamamilə sıxışdırmaq istədiyi barədə məlumatlar yayıb. Digər versiyalar isə “sui-qəsd ssenarilərinin” hakimiyyəti yerindən oynatmaq üçün bir alət olduğunu təsdiqləməyə çalışır.

Məsələ budur ki, partlayışın gün ərzində bütün metro stansiyalarına, parlamentə və bir sıra hərbi obyektlərə bomba qoyulması haqda verilən anonim məlumatlar fonunda baş verməsi də “sui-qəsd” ssenarisini qüvvətləndirir.  

Məsələ ilə bağlı Ednews-a danışan politoloq Tofiq Abbasovun fikrincə, baş verənlər Ermənistanın siyasi elitasında mövcud olan boşluqlardan irəli gəlir. 

“Ermənistanda elə bir ciddi vakum yaşanır ki, orada hər şey baş verə bilər. Bunun başlıca səbəbi ölkədə olan özbaşınalıqdır. Siyasi qarşıdurma, müxalifətin hakimiyyətlə olan ziddiyyətləri onları hətta terrora əl atmağa belə vadar edə bilər.

Təbii ki, olanlarla bağlı erməni ictimaiyyətinin sadə təbəqəsi daha çox əziyyət çəkir. Xüsusilə Ermənistanda iqtisadi böhran, işsizlik tuğyan etdiyi bir dönəmdə belə bir hadisənin baş verməsi sıravi insanları siyasi qalmaqalların qurbanına çevirir”. 

Ekspert hadisənin təfərrüatı ilə bağlı konkret faktın olmadığını da bildirib. O, qeyd edib ki, hadisələrin arxasında siyasi səhnələr olsa da, bu bir müddət gizli saxlanıla bilər. 

“Ermənistanda istər hakimiyyət, istərsə də müxalifət öz siyasi ambisiyalarına görə ölkəni dağıtmaqdan çəkinmir. Onlar üçün əsas öz istəklərinin həyata keçməsidir. Ortada konkret faktlar yoxdur və hadisə sadəcə bir qığılcımdan baş verdiyi qeyd edilir. Hesab edirəm ki, bu hadisədə əsl səbəbkarlar bir müddət gizli qalacaq”.  

Tofiq Abbasov əlavə edib ki, hadisələrdə daha çox hakimiyyətin əli olduğu görünür:

 “Mən olanlarda daha çox hakimiyyəti günahkar sayıram. Çünki Paşinyan hakimiyyəti Azərbaycan qarşısındakı öhdəliyi icra edə bilməyib. Odur ki, hakimiyyət bu cür çaxnaşmalarala daxildə ortanı qarışdırmağa çalışır. Fikrimcə belə davam edərsə, Ermənistanda hakimiyyətə qarşı güclü etirazlar yaranmağa başlayacaq”. 

Politoloq bundan əlavə hazırda Ermənistanda olan hadisələrin Qarabağ və Zəngəzurla bağlı gedən proseslərə təsir mexanizmindən də də söz açıb. 

“Hazırda Zəngəzur dəhlizinin açılması, yolların salınması və görülən işlər Ermənistan üçün nicat yollarıdır. Çünki Azərbaycan Ermənistanın iştirakı olmadan da öz qarşısına qoyduğu hədəflərə çatıb. Biz bir neçə prosedur layihələri həyata keçirmişik, ölkə daxilində inteqrasiya gücləndirlib və qarşıda Qarabağla Zəngəzurun inteqrasiyası başlanğıc mərhələyə qədəm qoyur.

Hətta son vaxtlar sosial şəbəkələrdə bir çox ermənilər Azərbaycan vətəndaşlığını qəbul etmək üçün müraciətlər edir. Bu da o anlama gəlir ki, ermənilər Azərbaycanı sülhə daha yaxın ölkə kimi qəbul edir”.

Elnur Ənvəroğlu



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...