"İran prezidenti İbrahim Rəisinin hökumətinin işə başladığı ilk gündən bu günə qədər tranzit həcmi 2 dəfədən çox artıb və görülən planlarla bu ilin sonuna kimi bu rəqəm 20 milyon tona çatacaq ki, bu da 2021-ci illə müqayisədə 4 dəfə artım qeyd edəcək".
Ednews APA-ya istinadən xəbər verir ki, bunu İranın yol və şəhərsalma nazirinin müavini Şəhriyar Əfəndizadə deyib.
O bildirib ki, 2021-ci ilə qədər tranzit həcmi ildə təxminən beş milyon yarım ton idi və cari ildə “Tranzit İnkişaf Siyasəti”nin həyata keçirilməsi ilə bu rəqəm ildə on milyon yarım tona çatıb.
Şəhriyar Əfəndizadə əlavə edib ki, Çin vasitəsilə hər il Avropaya 60 milyon ton mal ixrac edilir ki, bu yük də İrandan keçə bilər:
"Son hadisələrə görə, Rusiya hökumətinin İran tərəfindən Şimal-Cənub dəhlizində 30 milyon ton yük daşıma ehtimalı var."
İran iki mühüm dəhlizin yolunda olduğunu bildirən Ş. Əfəndizadə bildirib ki, onlardan biri şimal-cənub dəhlizidir (İran, Rusiya və Hindistan):
"Bu dəhliz ən mühüm dəmir yolu dəhlizidir. Növbəti dəhliz İnce Brun dəmir yolu xəttidən başlayır və Gərmsara çatır. Bu dəhlizin elektrikləşdirilməsi Rusiya sərmayəsi ilə planlaşdırılır ki, bu sahədə müqavilə imzalanıb. Digər marşrut Sərəxs-Bəndər Abbas dəmir yolu xətti marşrutudur. Moskva-Qazaxıstan-Türkmənistandan keçən ilk qatar bir müddət əvvəl bu marşrut üzrə İrana daxil olub və daha sonra Hindistana çatıb".
O qeyd edib ki, Rusiya ilə 2023-cü ilin sonuna qədər 10 milyon ton yükün ötürülməsi barədə razılıq əldə olunub.
İranın tranzit həcmini artırmaq üçün dəmir yolu şəbəkəsinin inkişaf etdirməyi planlaşdırdığını deyən Ş.Əfəndizadə bildirib ki, dəmir yolu şəbəkəsini inkişaf etdirmək üçün ilk növbədə tədqiq olunan və tikilən 5000 km dəmir yolu şəbəkəsi tamamlanmalıdır:
"Astara-Rəşt dəmir yolu xətti tamamlanmalı, digər tərəfdən də Təbrizi dəmir yolu ilə İstanbula birləşdirməliyik".