“Bu gün dünya Üçüncü Dünya Müharibəsini yaşayır”.
Ednews “TASS”a istinadən xəbər verir ki, bu barədə Roma Papası Fransisk Polşadan gələn dindarları salamlama və İkinci Dünya Müharibəsinin başlanmasının ildönümü mərasimində bildirib.
“Sabah siz Polşa xalqına çox ağrılı təsir edən İkinci Dünya Müharibəsinin başlanmasının ildönümünü xatırlayacaqsınız. Bu gün biz Üçüncü Dünya Müharibəsini yaşayırıq. Qoy keçmiş təcrübələrin xatirəsi sizi özünüzdə, ailələrinizdə, ictimai və beynəlxalq həyatda sülhü inkişaf etdirməyə təşviq etsin” - deyə Papa qeyd edib.
Xatırladaq ki, Roma Papası iyunda Avropa jurnallarına verdiyi müsahibədə üçüncü dünya müharibəsinin başladığını söyləmişdi:
"Bir neçə il əvvəl ağlıma gəldi ki, biz "Üçüncü Dünya Müharibəsini hissə-hissə yaşayırıq. Üçüncü Dünya Müharibəsi elan olunub".