"ABŞ prezidenti Co Bayden telefon danışığında İsrail Baş naziri Yair Lapidə “Amerika İsrailə özünü İrana qarşı müdafiəsinə mane olmayacaq. İranın təhlükəsindən xəbərdarıq” deyib".
Ednews "Azad İran" "Telegram" kanalına istinadən xəbər verir ki, bunu Amerikanın İsraildəki səfiri Tom Nides bildirib.
İsrail mediasının məlumatına görə, Amerika səfiri onu da əlavə edib ki, Bayden İranın heç vaxt nüvə silahı əldə etməyəcəyinə dair öhdəliyini təkrarlayıb.
Nides Amerikanın İranın nüvə probleminin diplomatik həllində maraqlı olduğunu, ancaq yalnız Avropa İttifaqının Hərtərəfli Birgə Fəaliyyət Planının canlandırılmasına dair saziş layihəsinin şərtlərinə əsaslandığını söyləyib:
"Amerika İranla razılaşmaya Beynəlxalq Atom Enerjisi Ajansının İranın elan olunmamış nüvə obyektlərində aşkar edilmiş zənginləşdirilmiş uran izləri ilə bağlı təhqiqatının bağlanmasına imkan verməyəcək".