Hindistan və Pakistanın hakimiyyət orqanları bazar günü iki ölkənin nüvə obyektlərinin siyahılarını, habelə qonşu ölkənin həbsdə olan vətəndaşlarının siyahılarını mübadilə ediblər.
Ednews xəbər verir ki, Hindistan Xarici İşlər Nazirliyinin rəsmi saytında verdiyi məlumata görə, siyahıların ötürülməsi diplomatik kanallar vasitəsilə eyni vaxtda iki qonşu dövlətin paytaxtında həyata keçirilib.
"Bu gün Hindistan və Pakistan diplomatik kanallar vasitəsilə eyni vaxtda Yeni Dehli və İslamabadda Hindistan və Pakistan arasında nüvə qurğularına və obyektlərinə hücumların qadağan edilməsinə dair razılaşmaya tabe olan nüvə qurğuları və obyektlərinin siyahılarını mübadilə ediblər", - bəyanatda deyilir.
Siyahıların mübadiləsi bu cür obyektlərə hücumların qarşısının alınmasına dair 1988-ci il müqaviləsinə uyğun olaraq həyata keçirilib.