Ermənistan Laçın dəhlizi müqabilində Azərbaycana Zəngəzur dəhlizini verməlidir.
Ednews erməni mətbuatına istinadən xəbər verir ki, bu fikirləri hakim “Vətəndaş müqaviləsi” partiyasının deputatı Qaqik Melkonyan səsləndirib.
Onun sözlərinə görə, bu, Lavrovun planına görə baş tutmalıdır.
Xatırladaq ki, Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və ekoloqlar tərəfindən Laçın-Xankəndi yolunun Şuşa ərazisindən keçən hissəsində təşkil olunan etiraz aksiyası 58 gündür davam edir.
Erməni mətbuatının və onlara havadarlıq edən ölkələrin iddiasına baxmayaraq bu yol bağlanmayıb, açıqdır və buradan hər gün yüzə yaxın avtomobil keçir.