Türkiyə Prezidenti Rəcəb Tayyib Ərdoğanın ölkənin yeni Nazirlər Kabinetini formalaşdırıb. Belə ki, yeni kabinetə ədliyyə naziri Yılmaz Tunc, ailə və sosial təminat naziri Mahinur Özdemir Göktaş, gənclər və idman naziri Osman Aşkın Bak, energetika naziri Alparslan Bayraktar, müdafiə naziri Yaşar Güler, daxili işlər naziri Ali Yerlikaya, xarici işlər naziri Hakan Fidan, maliyyə və xəzinə naziri Mehmet Şimşek, səhiyyə naziri Fahrettin Koca, sənaye naziri Mehmet Fatih Kaçır, kənd təsərrüfatı və meşə naziri İbrahim Kumaklu, mədəniyyət və turizim naziri Mehmet Ersoy ticarət naziri Ömer Bolat, təhsil naziri Yusuf Tekin, vitse-prezident isə Cevdet Yılmaz təyin olunublar.
Məsələ ilə bağlı siyasi analitik Güngör Yavuzaslan Ednews-a açıqlama verib.
O bildirib ki, prezident seçkilərindən sonra Türkiyədə 100 ilin ilk yeni höküməti yaradıldı.
“Nazirlər Kabinetinə nəzər salsaq görərik ki, əksəriyyəti gəncdir. Xarici işlər naziri Hakan Fidanın nazir təyin edilməsi onu göstərir ki, Türkiyə beynəlxalq aləmdə daha çox inkişaf edəcək. Ərdoğan çalışa biləcək gənc və dinamik nazirlər seçib. Türkiyə xarici siyasəti Azərbaycanla dəyişməz olaraq qalacaq. Amma Ermənistan və Suriya ilə münasibətlər normallaşmayacaq”.
Siyasi şərhçi müdafiə nazirinin uğurlu seçim olduğunu vurğulayıb:
“Rəcəb Tayyib Ərdoğan Türkiyə 100 ilində işləyə biləcəyi komandanı qurub. Ədliyyə nazirinin dəyişməsi də Türkiyədə ədalətin yeni səhifə açacağını göstərir”.
Aysel Şahmar