ABŞ Maliyyə Nazirliyi Sudan Çevik Dəstək Qüvvələrinin rəhbərlərinə qarşı sanksiyalar tətbiq edib və Çevik Dəstək Qüvvələri bu qərarı “siyasi qərar” kimi qiymətləndirib.
Ednews xarici KİV ə istinadən xəbər verir ki, Sudan Suverenlik Şurasının rəhbəri Əbdülfəttah Əl-Burhan bir neçə gün əvvəl Çevik Dəstək Qüvvələrinin ləğv edib.
O, öz qərarını belə izah edib:
“Bu qərar Çevik Dəstək Qüvvələrinin dövlətə qarşı üsyanının əks-sədası, vətəndaşlara qarşı törətdiyi ağır pozuntuları, infrastruktura qəsdən təxribat törətməsi əsaslanaq verilib”.
Məsələ ilə bağlı Çevik Dəstək Qüvvələri rəsmi açıqlama yayıb. Çevik Dəstək Qüvvələrinin hüquq müşaviri Məhəmməd Əl-Muxtar Əl-Nur Əl-Cəzirə Media Şəbəkəsinə müsahibəsində bildirib ki, Əl-Burhanın qərarı konstitusiyaya ziddir.
“ABŞ Maliyyə Nazirliyinin qərarı Çevik Dəstək Qüvvələrinin bəyanatında deyildiyi kimi “siyasi qərardır”. Çünki ABŞ Maliyyə Nazirliyi bütün tərəfləri dindirməli idi. Onun istinad etdiyi araşdırmalar yanlız şifahidir. Bu səbəbdən münaqişə bölgəsinə hər hansı beynəlxalq qurum gəlmədi. Nəticə etibarı ilə ABŞ Maliyyə Nazirliyinin qərarı dəqiq prinsiplərə əsaslanmır və buna görə də hazırda Sudanda baş verənlər Sudan Silahlı Qüvvələrinin işidir”.
Əl-Muxtar Çevik Dəstək Qüvvələri tərəfindən törədilən zorakılıq, qətl və təcavüz cinayətləri ilə bağlı yayılan görüntülərə də münasibət bildirib. O, yayılan videolara görə Sudan Hərbi Kəşfiyyatını günahlandırıb və iddiaları yalan və əsassız adlandırıb.
Sonda o, qeyd edib ki, bu, Çevik Dəstək Qüvvələrinə qarşı siyasi müharibədir.
Loğman Yunis
.jpg)
