Ukraynaya müharibə elan edərkən “Kiyevi 3 günə fəth edəcəyinə inanan” Rusiyanın 2025-ci ilə qədər münaqişəni bitirə bilməyəcəyini indi də qəbul etdiyi ortaya çıxıb.
Ednews euronews-a istinadən xəbər verir ki, Ukrayna Daxili İşlər Nazirliyinin müşaviri Anton Geraşenko Rusiyanın müdafiə naziri Sergey Şoyqunun ordu rəsmiləri ilə görüşündə “döyüş gücünün artırılması” qərarlarının 2025-ci ilə qədər qüvvədə olduğunu dediyi videonu paylaşıb. Sosial şəbəkələrdə paylaşılan videoda Şoyqu bildirir ki, Rusiya “2025-ci ilə qədər fəaliyyətdə olan tədbirlərin ardıcıl şəkildə həyata keçirilməsi ilə” hərbi məqsədlərinə nail ola bilər.
Digər tərəfdən, Rusiyanın 2024-cü ildə müdafiəyə 10,7 trilyon rubl (111 milyard dollar ) xərcləyəcəyi bildirilib .
“Vedomosti” qəzetinin mənbə kimi 2024-2026-cı illər büdcə layihəsinə istinadən verdiyi xəbərə görə, büdcə xərclərinin üçdə biri müdafiəyə yönələcək.
Xəyal Ramiz