"Moskva Azərbaycan və Ermənistan arasında münasibətləri normallaşdırmaq niyyətinə dair razılaşmanı alqışlayır".
Ednews "RİA Novosti"yə istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
"Bakı və İrəvanın son addımları etimadı gücləndirməyə və tərəflər arasında münasibətlərin normallaşması üçün imkanlar açmağa kömək edir", - deyə o, qeyd edib.
Sözçünün sözlərinə görə, Rusiya sülh sazişinin imzalanmasına yanaşmadan məmnun qalıb. Xarici İşlər Nazirliyinin nümayəndəsi vurğulayıb ki, Moskva mübahisəli məsələlərin həllində bundan sonra da hər cür kömək etməyə hazırdır.
Xatırladaq ki, dünən Bakı və İrəvan sülh müqaviləsi imzalamaq niyyətlərini təsdiqləyiblər.
Tərəflər münasibətləri normallaşdırmaq, suverenlik və ərazi bütövlüyü prinsiplərinə hörmət əsasında sülh müqaviləsi əldə etməyi planlaşdırır.
