Ər-Riyad İsrailin Qəzza zolağının cənubundakı Rəfah şəhərinə basqın etmək planları ilə əlaqədar BMT Təhlükəsizlik Şurasının təcili iclasını çağırıb.
Ednews xəbər verir ki, bu barədə EFE Agentliyi Səudiyyə Ərəbistanı Xarici İşlər Nazirliyinə istinadən məlumat yayıb.
“Səudiyyə Ərəbistanı İsrailin hərbi hücumunu 1,7 milyondan çox fələstinlinin cəmləşdiyi Rəfah şəhərində genişləndirmək planlarını qətiyyətlə pisləyir və gözlənilən humanitar fəlakətdən qaçmaq üçün BMT Təhlükəsizlik Şurasının təcili iclasının çağırılmasını tələb edir”, – deyə məlumatda bildirilib.
Qeyd edilib ki, daha öncə İsrailin baş naziri Benyamin Netanyahu ölkəsinin gözlənilən hücumu öncəsi mülki əhalinin Rəfahdan təxliyyə edilməsinə dair planının hazırlanması əmrini verib.