Avropa Komissiyası (AK) komissarlara Macarıstanın Baş naziri Viktor Orbanın mənfi reaksiyasından qaçınmaq üçün Budapeştdə LGBT icmasının tərəfdarlarının yürüşündə iştirak etməkdən çəkinməyi tövsiyə edib.
“EDnews” xəbər verir ki, bu barədə "Euractiv" mənbələrə istinadən bildirib.
Onların məlumatına görə, AK ölkənin daxili işlərinə qarışmaq və gərginlik yaratmaq istəmir. Qeyd olunur ki, Macarıstan tərəfi avrokomissarların yürüşdə iştirak etmək planları barədə məlumat almayıb. Lakin Avropa Parlamentinin bir neçə üzvü tədbirdə iştirak etmək niyyətindədir.
Portalın məlumatına görə, tədbir milli parlament tərəfindən martda qəbul edilmiş LGBT paradların keçirilməsini qadağan edən qanun layihəsinə baxmayaraq, iyunun 28-nə planlaşdırılıb. Həmçinin martın 19-da Macarıstan Prezidenti Tamaş Şuyok Avropa İttifaqı rəhbərliyinin çağırışlarına baxmayaraq, parlament tərəfindən qəbul edilmiş bu cür yürüşləri qadağan edən qanun layihəsini imzalayıb.
