İran İslam Respublikasının prezidenti Ruhani Birləmiş Millətlər Təşkilatının Baş Assambleyasının illik sessiyasında çıxış edərək bildrib ki, son 15 ildə sərhədsiz terrorizmin yayılması super güclərin təhlükəsizlik strategiyasının nəticəsidir.
O, terrorçuların Şam, İraq və Liviyada hökumət təşkil etmək iddialarına toxunaraq deyib: Bu qruplar ifratçı təlimatlarla rəhmət və məhəbbət dinini qorxu və kobudluq vasitəsinə çeviriblər. Bu gün Yaxın Şərq və Şimali Afrikada kobudluq heyrət doğuran səviyyədə sürətlə yayılır və region ən vəhşi hərəkətlər və ən dağıdıcı siyasətlərə düçar olub.
Ruhani deyib ki, hazırkı təhlükəli prossesin dayanmasını, regionun inkişaf və sakitlik müstəvisinə düşməsini istəyiriksə, regionun bəzi ölkələri qonşuları bombardıman etməkdən, terrorçu qruplara dəstək verməkdən əl çəkməlidirlər.
İranın prezidenti İran ilə 5+1 qrupu arasındakı müzakirə təcrübəsi və nüvə anlaşmasının əldə olunmasını, mötədil siyasətin və müzakirəyə üstünlüyün uğurlu nümunəsi adlandıraraq deyib: "Amerika Birləşmiş Ştatları Əhatəli Müştərək Təşəbbüs Proqramının artıq qəbul edilmiş çox cəhətli bir sənəd olduğunu yaxşı başa düşür və bu sənədin icrasında hər hansı öhdəsizlik dünya səviyyəsində ABŞ-ın imicinin daha da korlanmasına gətirib çıxaracaq".
