Rusiyanın BMT-də daimi nümayəndəsi Vitali Çurkin BMT müstəqil araşdırma komissiyasının Suriyada hökumətin üç dəfə kimyəvi silah istifadə etdiyini ortaya qoyan hesabatının ziddiyyətli olduğunu və yetərli dəlil olmadığını iddia edib.
"Eurasia Diary" xəbər verir ki, Birləşmiş Millətlər Təhlükəsizlik Şurası Kimyəvi Silahların Qadağan Edilməsi Təşkilatının (OPCW), Suriyada kimyəvi silah hücumlarına dair son hesabatını qapalı iclasda bəyan edib.
Müstəqil araşdırma komissiyasının sözügedən hesabatında Suriyada rejimə bağlı qüvvələrin üç dəfə kimyəvi silah istifadə etdiyi bildirilir.
Çurkin BMT komissiyasının hesabatının "ziddiyyətli" olduğunu və rejimin kimyəvi silah istifadə olunduğuna dair "sübut olmadığını" irəli sürüb.
Suriya rejimi üç dəfə kimyəvi silahdan istifadə edib
Müstəqil araşdırma komissiyasının sədri Virciniya Gamba isə Suriyada rejim qüvvələri tərəfindən üç dəfə kimyəvi silah istifadə edildiyinə dair "kifayət qədər sübut" olduğunu vurğulayıb.
Gamba, hesabatın nəticələrinə Rusiyanın qarşı çıxmasına isəbelə münasibət bildirib: "Biz işimizi gördük və işimiz kimyəvi silahlardan kimin istifadə etdiyini müəyyənləşdirməkdir. Bundan sonrası isə Təhlükəsizlik Şurasına bağlıdır".
Komissiyanın BMT TŞ-na təqdim etdiyi hesabatda 2015-ci ilin 16 martında İdlib şəhərində rejim qüvvələrinin helikopterlərdən çən bombaları, xlor qazı hücumu etdiyi bildirilib.