Hilari Klinton və Donald Tramp seçki öncəsi seçiçilərə təkan vermək üçün sonuncu dəfə Şimali Karolina, Pensilvaniya və Miçiqan ştatlarında mitinq keçirib.
Xanım Klinton "ümidli, inklüziv, geniş ürəkli Amerikanı" geri qaytarmağa çağırdığı vaxt Tramp tərəfdarlarına deyib ki, onların "korrupsiyalı sistemi dağıtmaq üçün əla şansları" var.
Səs faizlərinə görə Demokrat xanım Klinton rəqibi, Respublikaçı Trampdan 4 faiz səs çoxluğu ilə irəlidədir.
Rekord sayda, 46 milyondan çox amerikalı seçki öncəsi səslərini verib.
Filadelfiya, Pensilvaniya ştatlarında xanım Klinton səhnəyə məşhurlarla, Bruce Springsteen və Jon Bon Jovi, həmçinin həyat yoldaşı Bil Klinton, prezident Obama və onun xanımı Mişellə birlikdə çıxıb.
Obama seçiciləri "qorxudan imtina etməyə və ümidi seçməyə" çağırıb.
Bir qədər əvvəl radio müsahibəsində xanım Klinton deyib ki, əgər o prezident seçilsə Trampı çağıracaq və ümid edir ki, ölkəni birlışdirməkdə o, "konstruktiv rol" oynaya biləcək.
Cənab Trampın yekun mitinqi Miçiqan ştatında keçirilib.
Bir qədər əvvəl Florida ştatında tərəfdarlarına deyib ki, o, "siyasətçi olmayıb" və bunlar onun sadəcə "xüsusi maraq olub".
İş adamı FTB-nun xanım Klintonun dövlət katibi işlədiyi müddətdə elektron məktub yazışmaları üçün oz şəsxi elektron ünvanından istifadəsi məsləsinə toxunaraq Hilary Klintonu "prezidentlik postuna iddialı olan ən korrupsioner adam" kimi təsvir edib.
Bazar günü FTB xanım Klintonun elektron məktublarında cinayət xarakterli hər hansı dəlil tapılmadığını bəyan edəndən sonra onun səs faizləri artıb.
Trampa qarşı onun qətiyyətlə inkar etdiyi bir neçə cinsi zorakılıq və qadınlar haqqında ədəbsiz çıxış etməsi ilə bağlı ittihamlar irəli sürülüb.