Braziliyada qəzaya uğrayan təyyarədən ikisi futbolçu olmaqla ümumilikdə 15 nəfər sağ çıxıb.
Qapıçı Danilo Padilha qəzadan xəsarətsiz yaxa qurtarıb.
Xilas olunan müdafiəçi Alan Ruşel isə müxtəlif bədən xəsarətləri ilə dərhal xəstəxanaya yerləşdirilib.
***********
72 nəfəri, o cümlədən, Braziliya futbol komandasını daşıyan təyyarə Kolumbiyada, Medellin şəhərinə yanaşarkən qəzaya uğrayıb, rəsmilər bildirir.
Təfərrüatlar məlum deyil, amma bəzi məlumatlara görə, sağ qalanlar var.
Boliviyadan uçan kirayə götürülmüş təyyarə Chapecoense futbol komandasının üzvlərini aparırmış, hava limanı rəsmiləri bildirib.
Cənubi Amerika təmsilçisi kubokunun finalında Chapecoense Medellin komandası Atletico Nacional ilə oynamalı idi. Final oyunu indi dayandırılıb.
Məlumatlarda deyilir ki, təyyarə yerli vaxtla gecə yarısından əvvəl (05:00 GMT) şəhərdən bir az kənarda, dağlıq ərazidə qəzaya uğrayıb.
Medellinin meri Federico Gutierrez hadisəni "böyük miqyaslı faciə" kimi qiymətləndirib, lakin əlavə edib ki, bəlkə də sağ qalanlar var.
Yerli telekanal qəzada 5 nəfərin sağ qaldığını elan edib.