Türkiyə prezidenti Rəcəb Tayyib Ərdoğan Türkiyə ordusunun Suriya torpaqlarına əsgər göndərməsinin səbəbini açıqlayıb və bildirib ki, Suriyada prezidenti Bəşər Əsəd hakimiyyətinə son qoymaq üçün Suriyada əməliyyatlara başlayıb.
"Eurasia Diary" Anadoluya istinadən xəbər verir ki, Ərdoğan dünən İstanbulda verdiyi açıqlamada Suriyada mülki şəxslərin öldürülməsinin qarşısını almaq iddiasıyla, sözdə Azad Suriya Ordusu ilə Suriya torpaqlarına daxil olduqlarını bildirərək "Bəşər Əsəd hökumətinə qarşı xəttimizi ortaya qoymaq istədik"- deyib.
Ərdoğan BMT-nin Türkiyənin Suriyada mülki vətəndaşları öldürməsi iddiasına qarşı səssiz qalmayacağını bildirib və buna görə də Suriya torpaqlarına daxil olduqlarını deyib.
Ərdoğan Türkiyənin Suriya torpaqlarını işğal etmək kimi bir planının olmadığını qeyd edərkən Türkiyənin hədəfinin Suriya torpaqlarını həqiqi sahiblərinə geri qaytarmaqdır kimi ziddiyyətli bəyanatlarla çıxış edib.
Prezident Türkiyə ordusunun Suriyada mülki əhalinin öldürülməsinə mane olmaq üçün Suriyaya girdiyini iddia edir, digər tərəfdən də Türkiyə sərhədləri terrorçuların keçidi üçün sanki təhlükəsiz ərazilərə çevrilib.
