Rusiya Ukraynaya “kütləvi” pilotsuz uçuş aparatı ilə cavab zərbəsi endirib.

Ednews CNN-ə istinadən xəbər verir ki, Rusiya bir gecədə Ukraynaya qarşı “kütləvi” pilotsuz təyyarə ilə ölkənin şimal-şərqində, şərqində və cənubunda mülki infrastrukturu hədəf alıb. Zərbələr son bir neçə gündə Ukrayna pilotsuz təyyarələrinin Rusiya bölgələrinə raket hücumlarının kəskin artmasından sonra edilib.Həmin hücümlar  Rusiyanın bir sıra iri neft emalı zavodlarını hədəfə alıb və hasilatı dayandırıb.

Xarkovun şərq sərhəd vilayətinin qubernatoru Oleh Synehubov ötən gün səhər Telegram-da bildirib ki, Rusiya dronlardan və ya PUA-lardan (pilotsuz uçuş aparatları) istifadə edərək regionda televiziya infrastrukturuna “kütləvi” hücum həyata keçirib və bərpa işləri davam edir. "Xarkov vilayətinin 15-ə yaxın yaşayış məntəqəsi düşmənin artilleriya və minaatan hücumlarına məruz qalıb", - Synehubov deyib. Hücumlar nəticəsində itkilərin olmadığı bildirilir.  

Qonşu Sumı vilayətində hərbi administrasiya Sumi, Şostka, Trostyanets və Bilopilya şəhərlərində mülki infrastrukturun hədəfə alındığını bildirib. Şostka və Trostyanetsə də raket zərbələri endirilib. Ukrayna ordusu cümə axşamı səhər saatlarında verdiyi son yeniləmədə Çerniqov, Sumi, Xarkov, Luqansk, Donetsk, Zaporojya, Dnepropetrovsk, Xerson və Nikolayev vilayətlərində ümumilikdə 150-yə yaxın yaşayış məntəqəsinin Rusiya artilleriyasının atəşinə məruz qaldığını bildirib.

Nahid