İstər qadın, istərsə də kişi, 60 yaşını tamamlayan şəxslərin diqqət etməli olduğu bir çox məqamlar var.
Bundan sonrakı yaş dövrü əvvəlkilərə nisbətən daha risklidir. Çünki orqanizm 60 min km yol qət etmiş, ruh isə təcrübələrlə gəncləşmiş birinə bənzəyir.
Qısası, bədənə də, ruha da yeni bir proqram lazımdır. Bəs nə etməli? Ediləcək çox şey var, amma Medicina.az 60 yaşlı şəxslərin başlıca 10 hədəfini təqdim edir:
•Daha az, amma sağlam yeyin. Çünki yaş 50-ni keçdikdən sonra, can boğazdan gəlmir, əksinə, boğazdan çıxır. Çox deyil, az yeyənlər uzun yaşayır.
•Zeytun yağına üstünlük verin. Bu tövsiyəni həddən çox miqdarda zeytun yağı istehlak edə biləcəyiniz mənasında başa düşməyin.
Etməli olduğunuz şey budur: Gündəlik yağ ehtiyacınızın üzdə ikisini deyil, dörddə üçünü zeytun yağı ilə ödəməyi özünüz üçün qayda olaraq görün, geri qalanını isə kərə yağı ilə ödəyin.
•Şir deyil, quzu olun. 50-dən sonrakı sağlam ömür sirlərindən biri də budur: heyvan mənşəli qidalar azaldılmalıdır, minimuma endirilməlidir. Bitki mənşəli qidalara – meyvə-tərəvəzə üstünlük verilməlidir.
Qısası, "50 yaşa qədər gənc aslan, 50-dən sonra isə aktiv quzu” prinsipini işə salın.
•Su için. Su ehtiyacının bir hissəsini çayla, tərəvəz sirəsiylə, şorbalarla da ödəyə bilərsiniz. Amma dəyişməz olan qayda budur: Sidiyin rəngi mütləq açıq sarı, hətta su qədər şəffaf hala gəlməlidir.
•Şəkər və unla münasibətinizi kəsin. Şəkər ehtiyacınızı mümkündürsə, sadəcə meyvələrlə ödəyin. Şirniyyatdan uzaq durum. Şirniyyat yeyəcəksinizsə də, südlü olanlarını seçin.
•Aktiv olun: Hər gün istisnasız ən az 5000 addım qaydasına son addımına kimi əməl edin. Gəzmə adətinizə üzmə, qolf , rəqsi də əlavə edib.
Unutmayın! Yaş 50-ni keçdikdən sonra yediklərinizdən daha çox, etdikləriniz önəmlidir və "loxmalar azaldılıb addımlar çoxaldılacaq” qaydası keçərlidir.
•Sağlamlıq durumunuzu izləyin. Bu müayinələrdə sizə verilən vəzifələri mütləq edin.
•Beyninizi mütləq qidalandırın. Beyin gimnastikasını mütləq davam etdirin. Oxuyun, yazın, yeni şeylər öyrənin. Musiqi dinləyin, gəzin, mahnı, şeir əzbərləyin.
Sərgi, konsertlərə gedib, səyahətə çıxın. Nərd, şahmat oynayın.
•Mürgüləyin. Bunun da dadını çıxarın. Mümkündürsə, günorta yeməyindən sonra 10-15 dəqiqəlik mürgüləyin. Dinləməkdən də, dinlənməkdən də imtina etməyin.
•Yaşasın sakitlik! Sakitliyə köklənin. Sosial münasibətlərinizi inkişaf etdirin.
Bundan sonra etdikləriniz yediklərinizdən, düşündükləriniz isə hər ikisindən daha dəyərlidir.
Evdə həyat yoldaşınıza, çöldə dostunuza, yoldaşınıza daha çox compliment deyib, tərifləyin.