- Atılgan bəy, 24 İyun seçkiləri yaxınlaşır. Seçkilərin hər hansı tərəfi ilk turda qazana bilər, yoxsa seçkilər ikinci tura qalacaq?
- Atılgan Bayar: Hal-hazırda məndəki tədqiqatlar göstərir ki, iki ittifaqın səsləri bir-birinə çox yaxındır. Seçkilərin nəticəsini təyin edəcək iki sosial seqment var; onlardan biri kürdlər, ikincisi isə AK Partiyanın küskünləridir. Mənim əlimdə olan rəqəmlərə görə, birinci turda seçkidə nəticə əldə edilməsi mümkün deyil.
- Kürd dedikdə, burada HDP-yə səs verənləri nəzərdə tutursunuz, yoxsa ümumiyyətlə?
- Atılgan Bayar: Xeyr, ümumiyyətlə kürdlərdən bəhs edirəm, ancaq HDP seçiciləri bunun əhəmiyyətli bir hissəsidir.
- Bəs, HDP seçiciləri ikinci turda Cumhur İttifaqının dəstəkləyər, yoxsa Millət İttifaqını?
- Atılgan Bayar: Görünür, CHP-nin siyasəti bunu müəyyən edəcək. Artan səslərdən, iki ittifaqın səslərinin bir-birinə yaxınlaşmasından Məhərrəm İncenin namizədliyinin doğru qərar olduğu görünür. CHP Kürdləri və dindarları özünə çəkə biləcək addımlar atsa, bunun Millət İttifaqının lehinə nəticələnə biləcəyini düşünürəm. Yox, əgər edə bilməsə və AKP bunu MHP-yə baxmayaraq edə bilsə, bunun əksinə olar. MHP ilə ittifaq AK Partiyaya böyük ziyan vurdu. MHP cəmiyyətin digər hissələrindən, məsələn kürdlərdən və milliyyətçi olmayan türklərdən mənfi reaksiya alır. Yəni, MHP ilə ittifaq AK Partiyadan səs aparır.
- Ərdoğanın son dövrlərdə səs faizinin azaldığı deyilir. Xüsusilə, dolların dəyərlənməsinin buna səbəb olduğu iddia olunur. Bununla razısınızmı?
- Atılgan Bayar: Səslərin itirilməsi iqtisadi səbəblərdən əvvəl başlayıb. Hesab edirəm ki, Ərdoğan demokratik bir şəxsdir və buna inanıram. Ancaq iki ildir sözdə çox radikallaşma və cəmiyyətin digər hissəsini kənarda qoyan bir üslub önə çıxmağa başlayıb. Bu, həmçinin 15 iyul çevriliş cəhdinin təşəbbüsü ilə də əlaqədardır. Orada önə çıxarılan kəskin dil qalıcı olmağa başladı. Ərdoğanı mətbuatda dəstəkləyənlər də bu dili paylaşırlar. 15 iyulda hökumətin FETÖ-ya qarşı çox sərt davranması doğru və düzgün bir tədbir idi. Hətta mənə qalsa daha sərt davranılması və sərtliyin davam etdirilməsi lazım idi. Ancaq FETÖ-ya ye qarşı belə sərt cavab verilərkən, cəmiyyətin digər hissəsinə qarşı bir yumşalma gözənilirdi, ancaq bu reallaşmadı. Bu səbəbdən, bu, insanları AK Partiyadan və Ərdoğandan uzaqlaşdıran bir ifadənin önə çıxmasına səbəb oldu. Bir fikir yayılmağa başladı: Cümhur İttifaqı vətənpərvərdir, qalan heç kim öz ölkəsini onlar qədər sevmir. Bu cəmiyyətdə çox böyük reaksiyaya səbəb oldu və səs itkisinə gətirib çıxardı. İqtisadi böhran və dolların yüksəlməsi də bu səs itkisinə səbəb olur.
- Çevriliş cəhdindən bəhs etdiniz, Fövqəladə haldan da danışmağınızı istəyərdim, 2 ildir ki, ləğv edilməyib. Fövqəladə halın ləğv edilməməsinin səbəblərini nədə görürsünüz?
- Atılgan Bayar: Fövqəladə halın lazım olduğunu düşünürəm. Fövqəladə hal FETO ilə mübarizə aparmaq üçün lazım olan bir şeydir,Amma Fövqəladə halı seçki təbliğatı çevirdikdə bu seçicilərin böyük bir reaksiyasına səbəb olur, yoxsa fövqəladə halın özündə bir problem yoxdur, çünki dövlətin ən kapilyar damarlarına qədər enmiş bir terror təşkilatıyla mübarizə apararkən fövqəladə hal lazımlıdır.
- Fövqəladə haldan bu yana 100 minlərlə insan nəzarətə alınıb. Ərdoğanın öz sözü da var, 'at izi it izinə qarışdırılmamalıdır' deyirdi. Amma hələ iki ildir ki, insanların həbsdə olduğunu görürük.
- Atılgan Bayar: Belə ifadə edim, haqsız olaraq həbs edilmiş, haqsız olaraq işindən çıxarılmış insanlar var. Amma bunların hamısı FETÖ ilə mübarizənin nə qədər əhəmiyyətli olduğunu bildiyi üçün dövlətinə və iqtidara reaksiya göstərmirlər. Problem orada deyil.
- Bəs, bunun seçkidən sonra həll ediləcəyini inanırsınızmı?
- Atılgan Bayar: Əlbəttə, orada əsas problem OHAL deyil. OHAL üzündən haqsızlığa uğramış insanlar deyil, onlar 'mən Ərdoğana səs verməyəcəyəm" demirlər.
Müsahibəni götürdü: Mirəli Mirhəşimli
