ABŞ-ın müdafiə sahəsinə ayırdığı yatırımların həcminə rəğmən Qərb dünyasının silahlanma problemləri davam edir. Bu baxımdan Avropa iqtisadi əməkdaşlığını mümkün olduğu qədər genişləndirməyə çalışır. Rusiyanın da Cənubi Qafqazda maraqlarının olduğunu nəzərə alsaq, Region uğrunda Qərblə Rusiya arasında rəqabət hansı səviyyədə arta bilər?
Mövzu ilə bağlı Ednews-a danışan macarıstanlı iqtisadçı-ekspert Vasa Laszlo bildirib ki, Moskva Azərbaycanın Avropaya qaz ixracını artırmasından razı deyil:
“Azərbaycan Respublikası prezidenti İlham Əliyevin uğurlu xarici siyasəti nəticəsində Azərbaycanla NATO və eləcə də Avropa arasında münasibətlər davam edir. Qarabağın azad edilməsindən sonra bir çox Qərb dövlətləri Azərbaycanı müharibəyə görə qınasa da, NATO Bakı ilə öz tərəfdaşlığını qorumağa davam edir.
Azərbaycanın hər dövlətlə əlaqələrini balanslı dərəcədə qorumağa çalışması onun xarici müstəvidə sülhpərvər rolunun möhkəmlənməsinə səbəb olub. Bundan başqa unutmaq olmaz ki, Azərbaycanın ən böyük siyasi müttəfiqi və iqtisadi tərəfdaşı olan Türkiyə NATO üzvüdür. Bütün bunları nəzərə alaraq deyə bilərik ki, Azərbaycan öz siyasi-iqtisadi iradəsi olan bir ölkə kimi həm də NATO ilə yaxın münasibətlər sahibdir”.
Azərbaycanın Qərblə artan iqtisadi tərəfdaşlığı hansı dövlətlərin rəqabətə qoşulmasına gətirib çıxaracağına isə ekspert qeyd etdi ki, Qərblə Rusiya arasında Cənubi Qafqazda təsir gücünə malik olmaq uğrunda mübarizə gedir:
“Bu rəqabətdə Azərbaycan ən əsas rolu oynayır. Bir çoxları əsassız şəkildə hətta Rusiyanın Qafqaza hücum edəcəyi haqqında iddialar da irəli sürür. Bu iddialar hər nə qədər əsassız olsa da, Rusiyanın Ukraynaya hücum edəcəyini də gözlənilməz olduğunu xatırlatmaqda fayda var.
Hazırda ABŞ başda olmaqla Qərb dünyasında panika hökm sürür. Azərbaycan Avropanı qaz ehtiyatları ilə təmin etməyə çalışır. Bu baxımdan ölkənin Rusiya üçün də xüsusi əhəmiyyəti yaranır. Bazarda rəqabəti gücləndirməyə çalışan Moskva Bakı qazının Avropaya uzun müddət ixrac edilməsindən razı olmayacaq. Ola bilsin ki, İran və Rusiya kimi ölkələr Azərbaycan üçün bu baxımdan problem yaratsın”.
Fərid