Aprel ayının 5-də Ermənistanın Baş naziri Nikol Paşinyan ABŞ Dövlət katibi Antoni Blinken və Avropa Komissiyasının sədri Ursula fon der Lyayenlə Brüsseldə görüş keçirəcək. Görüşün əsas məqsədi və sferası nədir? Qərb Ermənistanla bu cür görüşün keçirilməsində niyə bu qədər maraqlıdır?
Məsələ ilə bağlı politoloq Samir Hümbətov Ednews-a açıqlaması zamanı bildirib ki, Qərb ölkələri Ermənistanı Rusiyadan qoruyurlar:
“Aprelin 5 də keçiriləcək görüşdə iştirak edən Antoni Blinken, Nikol Paşinyan və Ursula fon Leyen əsas olaraq hərbi müdafiə sahəsində yüksək əməkdaşlığı müzakirə edəcəklər. Bundan əlavə iqtisadiyyat sahəsində üçlü bir paktın imzalanması gözlənilir. Görüşdə əsas məqsəd Ermənistana iqtisadi, humanitar sahədə yardım göstərilməsini təmin etməkdir.
Hesab edirəm ki, Qərb Ermənistanı post Rusiya dövründən sonra iqtisadiyyatının ağırlaşmamasına çalışır. Lakin ABŞ və Aİ Ermənistanı ciddi şəkildə özünü müdafiə adı altında silahlandırır. Bu həm regional həm də qlobal sülhə təhdid olur. Azərbaycan və Ermənistan arasında münasibətlər sülh bağlanması prosesinə doğru gedir. Bu məsələ ilə bağlı Qərb ölkələri düşünməlidir. Əfsus ki, Qərb Ermənistanın hərbi cəhətdən inkişaf etdirilməsini sülhə mənfi əsir edəcəyini fikirləşmirlər. Ermənistan höküməti işıq ucu görən kimi apardığı siyasəti dəyişir”.
Politoloq vurğulayır ki, nəzərdə tutlan bu antlaşmanın həyata keçirilməsi Ermənistanı bölgədə sülhə doğru gedən yoldan çəkindirməsinə və fərqli siyasət aparmağa şərait yarada bilər:
“Digər region ölkələrinin məsələn İran və Rusiya müqavilə ilə bağlı narazı olduğu açıq məsələdir. Rusiya isə bunun bölgəyə gərginlik gətirəcəyini düşünür”.
Xəyal Ramiz