Ermənistan hökuməti daxilində fikir ayrılıqları var. Belə ki, İrəvanın parlament sədri Alen Simonyan bir dənə də olsun kəndin Azərbaycana qaytarılmayacağını bildirir, lakin ölkənin baş naziri Paşinyan isə yaxın vaxtlarda 4 kəndin qaytarılacağı ilə bağlı fikirlərini bildirir. Belə olduğu halda isə ortaya sual çıxır:

İrəvanda bu fikir ayrılığının səbəbi nədir? İndiki vəziyyətdə İrəvan hökumətindən nə gözləmək olar?

Erməni siyasi fəal İşxan Verdiyan Ednews-a özəl açıqlamasında bildirdi ki, Paşinyan siyasi yanaşmalarını ictimaiyyətə necə çatdıracağını bilmir:

“Paşinyan hökumətinin əsas problemindən xəbər verir - o, siyasi proseslərə yanaşmalarını ictimaiyyətə necə çatdıracağını bilmir. O özü də fərqinə varmadan Ermənistanı dünyada o unikal ölkəyə çevirdi ki, orada heç bir dövlət təbliğatı aparılmır. Paşinyanın dövlət aparatının bütün təbliğatı onun şəxsən ictimaiyyətə çıxıb mühüm mövzu ilə bağlı fikirlərini səsləndirib-çıxmayacağından gedir. Nikol Paşinyan və Alen Simonyanın bəyanatlarının uyğunsuzluğu da təsvir olunan vəziyyətin klassik nümunəsidir”.
 
İ.Verdiyan hesab edir ki, əslində hər iki siyasətçi eyni mövqedən çıxış edir:

“Əslində hər iki siyasətçi eyni şeydən danışır və mövqelərində heç bir ziddiyyət yoxdur. Alen Simonyan bir dənə də olsun erməni kəndinin Azərbaycana təslim olmayacağını deyir, amma bu 4 kəndin erməni olmadığını əlavə etməyi unudur. Parlament sədrinin sözləri Ermənistanın öz ərazisi hesab etdiyi kəndlərə aiddir, lakin Ermənistan anklav və ya həmsərhəd Azərbaycan kəndlərini özününkü hesab etmir və bu, İrəvanın rəsmi mövqeyidir. Amma nədənsə ağlasığmaz səbəbdən indi mənim bunları siz və sizin kimi xarici jurnalistlərə izah edir, halbuki bunu Ermənistan Respublikası hökumətinin sadəcə mövcud olmayan informasiya xidməti etməli idi”.

Əkbər Novruz