Xəbər verdiyimiz kimi, Elm və təhsil naziri Emin Əmrullayev "Məktəbəqədər təhsildə keyfiyyətə yeni baxış" mövzusunda keçirilən beynəlxalq elmi-praktik konfransda çıxışı zamanı bildirib ki, gələcəkdə orta ixtisas təhsilli mütəxəssislərin bağçalarda işləməsinə icazə verilməyəcək: 

"Biz artıq ümumi təhsildə orta ixtisaslı mütəxəssislərin fəaliyyətini dayandırmışıq. Bu, məktəbəqədər təhsildə də olacaq. Bu vaxta qədər işə qəbul olunmuş orta ixtisaslı şəxslər çalışacaq. Onların fəaliyyətinə heç bir müdaxilə edilməyəcək".

Bu barədə Ednews-a açıqlamasında təhsil eksperti İlham Əhmədov bildirdi ki, uşaqların inkişafının ən intensiv gedən yaş dövrü 0-7 yaş arasındadır:

"Ona görə də bu yaş aralığındakı uşaqlarla işləmək üçün daha savadlı kadrlara ehtiyac var. Bu mənada səsləndirilən yanaşmanı düzgün hesab edirəm. Həm də ki, orta ixtisas məktəblərində, belə deyək nəzarətsiz olaraq hər yerdə pedoqjika ixtisaslaşdı. Xüsusilə regionlarda. Orda da keyfiyyət çox aşağıdır. Bu da təhsilin keyfiyyətinə təsir edir. Ona görə artıq orta məktəblərdə tam ali təhsilli müəllimlərin işləməsi tələb olunur. İndi də bağçalarda da bu tələb irəli sürülüb. Kimlər ki, orta ixtisas təhsili alıb, işləməyində problem yaratmırlar. Gələcək üçün tələblər təbii olaraq dəyişə bilər".

Oğuz