Xəbər verdiyimiz kimi, Emin Əmrullayev müsahibəsində deyib ki, 10-11-ci siniflərin məzmununa yenidən baxmalıyıq. Düşünməliyik və müzakirə aparmalıyıq ki, on və on birinci siniflər nə üçündür?
Azərbaycanın orta məktəblərində kurikulum tədris proqramı tətbiq olunur. Bu proqrama əsasən, orta təhsilin 9-cu sinifinə qədər bütün dərs proqramı tədris olunub bitirilir. 10 və 11-ci siniflərdə isə 5-ci sinifdən etibarən keçilmiş mövzuların daha geniş formada tədrisi nəzərdə tutulur. Bu proses ölkədə kurrikulum sistemi tətbiq olunmağa başladığı andan start götürüb.
Belə bir sistemlə dərslərin tədrisi nə qədər effektivdir?
Mövzu ilə bağlı Ednews-a açıqlamasında təhsil eksperti Elmin Nuri bildirdib ki, X-XI siniflərdə keçirilən dərslərin, tədris proqramının məzmununa yenidən baxılmasına ehtiyac var. Amma bununla belə, yenə də X-XI siniflərin sırf təkrara yönəlik tədris həyata keçirdiyi fikri ilə razı deyiləm:
"Kurikilum tətbiq olunandan bu yana orta ümumtəhsil proqramı hər predmet (fənn) üzrə IX siniflə tam məhdudlaşsa da belə, yerdə qalan iki yuxarı sinif-X və XI-tədrisi təkrar üzərindən qursa da belə, bunun çox da səmərəsiz olduğunu düşünmürəm. IX sinfə qədər keçirilən nəzəri bazanın, informasiya bankının X-XI siniflərdə analizetmə və tədqiqat meyarları üzərindən yenidən tədrisi çox faydalı olar. Odur ki, X-XI siniflərin məzmununa baxış yenidən işlənilməlidir. Bu iki sinif ali təhsilin ilkin pilləsi, ora aparan yol rolunu yüksək səviyyədə oynamalıdır. Bu siniflərin şagirdlərinin tədrisə baxışı əzbərçilik, informasiya ilə kortəbii yüklənmə yox, şüurlu şəkildə emal, analiz və tədqiqat üzərində qurulmalıdır. Belə olan halda biz ali təhsil müəssisələrimizə hazırlıqlı tələbələr verə bilərik. Məhz həmin hazırlıqlı tələbələr sabahın əmək bazarı üçün uğurlu kadr kimi formalaşacaqlar".
Ekspert qeyd etdi ki, X-XI siniflərin məzmununa yenidən baxılmalı, uğurlu təhsil ölkələrinin faydalı nümunələri, örnək elementlər bizim tədris prosesimizə tətbiq olunmalıdır:
"Dərinə getsək, görərik ki, X-XI siniflər fərdin həyatında kifayət qədər rol oynayan karyera, fərdi inkişaf pilləsidir. Çünki bu yaş dövründə təhsilalan artıq düşüncə və psixologiya etibari ilə özünü orta məktəb şagirdindən çox, cəmiyyətin azad fərdi, müstəqil, yektin bir şəxs olaraq hiss edir. Bu siniflərdə oxuyanların həyata baxışı tam fərqli olur. Odur ki, X-XI siniflərin tədris proqramı, onun məzmun xətti bu yanaşmalara, bu tələblərə əsasən yenidən işlənməlidir".
Oğuz
