Beynəlxalq Avrasiya Mətbuat Fondunun(BAMF) ofisində Azərbaycan Mətbuat Şurası ilə Türkiyə mətbuat nümayəndələri arasında görüş keçirilib. Görüşdə BAMF prezidenti Umud Mirzəyev, Türkiyə Demokrat Gazeteciler ve Yazarlar Derneği idarə heyətinin sədri Hakan Özen, Iğdır Azerbaycan Evi Derneği sədri Serdar Ünal və Müharibə Veteranı Qadınlara Sosial Yardım İctimai Birliyinin sədri İradə Abbasın iştirak edib.
Görüş Azərbaycan və Türkiyə mətbuatının əməkdaşlığının inkişafı və dünya içtimaiyyətində iki ölkənin həqiqətlərinin yayımlanması üzrə iş birliyinə həsr olunub. Görüşdə hər iki ölkənin mətbuat nümayəndələri qarşılıqlı müzakirələr aparıb.
BAMF prezidenti Umud Mirzəyev xarici mətbuatın Qarabağ münaqişəsi haqqında dezinformasiya yaydığını və ölkə həqiqətlərinin lazımınca yayımlanmadığına xüsusi toxundu. Sadəcə Xocalı faciəsi kimi onun timsalında Cəmilli, Qaradağlı və s. ərazilərimizdə edilmiş erməni vəhşiliklərini də yüksək şəkildə qabardılmalıdır.
Bu sahədə Azərbaycanla Türkiyə mətbuatı birgə fəaliyyət göstərməli və əməkdaşlığı gücləndirməlidir.
Demokrat Gazeteciler ve Yazarlar Derneği yönetim kurulu başkanı Hakan Özen türk jurnalistlərinin cəbhəboyu kəndlərə baş çəkərək vətəndaşların problemlərini cəbhədəki vəziyyəti meiada işıqlandırılması ilə bağlı fikirlərini paylaşdı.
Müharibə Veteranı Qadınlara Sosial Yardım İctimai Birliyinin sədri İradə Abbas Türkiyədə Azərbaycan haqqında informasiya qıtlığını vurğuladı. İnformasiya mübadiləsinin aparılması ilə xarici mətbuatda yayımlanan yanlış fikirlərə qarşı mübarizənin əhəmiyyəti qeyd olundu.
Görüşdən sonra Türkiyə Demokrat Gazeteciler ve Yazarlar Derneği idarə heyətinin sədri Hakan Özen Eurasia Diary-ə müsahibə verib.
- Hakan bəy xoşgəlmisiniz. Sizin bu səfəriniz Dağlıq Qarabağ, qaçqın və məcburi köçkün, tarixi abidələrin qorunması və digər Azərbaycan problemlərinin türk mətbuatında geniş şəkildə əks olunmasına təsir edəcəkmi?
- Təşəkkür edirəm. Bizim üçün Azərbaycan səfəri çox önəmli idi. Azərbaycan Türkiyə üçün qardaş ölkədir. Azərbaycan türklər üçün candır, ona görə də biz Azərbaycana “Can Azərbaycan” deyirik. Səfərimizin əsas məqsədi məhz Azərbaycanın başda Dağlıq Qarabağ məsələsi və digər Azərbaycan problemlərinin türk medyasında və beynəlxalq mətbuatda işıqlandırılmasıdır. Həmçinin türk mediası ilə Azərbaycan mediası arasında əməkdaşlığı daha da intensivləşdirməkdir. Əlbətdəki, bizim səfərimiz sona çatar-çatmaz burada əldə etdiyimiz materialları dərhal Türkiyədə 400-dən çox mətbuat orqanına göndərəcəyik. Və bu səfərdən sonra da yerli məttbuatda bu işi dəvam etdirməyə çalışacayıq.
- Qurumunuzun məqsədi sadəcə Azərbaycan mediası ilə əlaqələri inkişaf etdirməkdir, yoxsa digər türkdilli dövlətlərin mətbuat orqanlarını ilə də əməkdaşlıq nəzərdə tutulur?
- Təbii ki, məqsəd bütün dünya türklərinin problemlərini işıqlandıra biləcək bir platforma yaratmaqdır və bunun üçün Azərbaycandan başqa dövlətlərlə də əlaqələrimizi inkişaf etdirəcəyik. Ancaq Azərbaycan bizim üçün çox önəmlidir və buradakı formalaşdırılan əməkdaşlıq böyük bir başlanğıc mahiyyətini daşıyacaq.
