Bakı Beynəlxalq Tələbə Klubu Gənclər təşkilatlarının V Respublika sərgisində təmsil olunub - FOTOLAR | Eurasia Diary - ednews.net

11 Dekabr, Çərşənbə axşamı


Bakı Beynəlxalq Tələbə Klubu Gənclər təşkilatlarının V Respublika sərgisində təmsil olunub - FOTOLAR

Cəmiyyət A- A A+

Eurasia Diary-nin verdiyi xəbərə görə, 13 noyabr çərşənbə axşamı, «Baku Crystal Hall»un media mərkəzində Gənclər və İdman Nazirliyinin təşkilatçılığı ilə 100-dən artıq gənclər təşkilatlarının təmsil olunduğu V Respublika sərgisi keçirilib.

Sərgidə Baş nazir müavini Əli Əhmədov, Prezident Administrasiyasının Gənclər siyasəti və İdman məsələləri şöbəsinin müdiri Yusif Məmmədəliyev, Gənclər və İdman naziri Azad Rəhimov iştirak ediblər. Sərginin əsas məqsədi gənclər təşkilatlarının nailiyyətlərini nümayiş etdirmək və gənclərin fəal sosial fəaliyyətini təşviq etmək idi.

Bakı Beynəlxalq Tələbə Klubu Azərbaycanda təhsil alan bir qrup beynəlxalq tələbə tərəfindən təmsil olunub. Bir neçə ölkədən olan tələbələr Birləşmiş Millətlər Təşkilatının (BMT) Davamlı İnkişaf Məqsədlərinin həyata keçirilməsinə dəstək verməyə yönəlmiş fəaliyyət, eləcə də təşkilatın əsas fəaliyyətləri barədə danışıblar.

BBTK tamaşaçıları 2006-cı ildə yarandığı andan etibarən uğurla həyata keçirdiyi bir sıra layihələrlə tanış edib. Sərgidə təmsil olunan bir sıra gənclər təşkilatları ilə gələcək əməkdaşlıq fəaliyyətləri müzakirə edilib.

Tələbələr Azərbaycan Gənclər Fondunun dəstəyi ilə Bakı Konqres Mərkəzində 2019-cu ilin fevral ayında Azərbaycanda keçiriləcək III Ümumrespublika Xarici Tələbələr Forumu barədə məlumat veriblər. Forumun əsas məqsədi Azərbaycanda təhsil alan bütün xarici tələbələri birləşdirmək və onları ölkənin mədəniyyəti və ənənələri ilə tanış etməkdir. Bundan əlavə, tələbələr təəssüratlarını bölüşmək, onları maraqlandıran suallar vermək və Bakı Beynəlxalq Tələbə Klubunun gələcək fəaliyyətlərini müzakirə etmək üçün unikal şans əldə edəcəklər. Bir sıra vəzifəli şəxslərin və diplomatik missiya nümayəndələrinin iştirakı gözlənilir.

Qeyd edək ki, Bakı Beynəlxalq Tələbə Klubu (BISO) 2006-cı ilin sonunda Beynəlxalq Avrasiya Mətbuat Fondu (BAMF) və bir qrup könüllünün dəstəyi ilə yaradılıb. 2007-ci ildə təşkilat rəsmi olaraq Azərbaycan Respublikası Ədliyyə Nazirliyində qeydə alınmışdır. Təşkilat Azərbaycanda təhsil alan xarici tələbələr üçün platforma kimi çıxış etməklə mühüm rol oynayır və bütün iştirakçılara BBTT-da öz ideyalarını həyata keçirmək imkanı verir.

BBTT tədbirlərin keçirilməsini və hökumətlərarası mədəni və mənəvi dəyərlərin inteqrasiyası, Azərbaycanın sosial-iqtisadi inkişafına yardım etmək, qloballaşmış bir dünyada terrorizmə qarşı mübarizəyə qoşulmaq və şəxsi səbəblərdən dolayı və ya təhsil almaq məqsədilə Azərbaycana gələn xarici gənclərə kömək etmək üçün layihələr həyata keçirmək istəyir.

 1

 
1
 
1
 
1
 
1
 
1
 
1
 
1
 
1
 
1
 
1
 
1
 
1
 
1
 
1
 
1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...


loading...