Birləşmiş Ştatlar ABŞ-ın lideri Donald Trampı İsrailə münasibətdə ikiüzlü olmaqda və qeyri-obyektivlikdə günahlandıran BMT-nin İnsan Hüquqları Şurasından çıxdı.
Tramp mütəmadi olaraq Birləşmiş Millətlər Təşkilatını səmərəsiz işinə və həddindən artıq çox xərclərin olmasından dolayı tənqid edir. O, dəfələrlə təşkilatda islahatların aparılmasının zəruriliyi barədə danışıb.
ABŞ-ın əsas şikayəti İsrailə həddindən artıq çox "diqqət" yetirilməsidir. Şura 2006-cı ildə yaradılıb və bu müddət ərzində Fələstində ərəb əhalisinin hüquqlarının pozulması ilə bağlı birlikdə götürsək, dünyanın bütün digər ölkələrindən daha çox - 78 qətnamə qəbul edib.
ABŞ artıq bir sıra BMT agentliklərinin və layihələrinin maliyyələşdirilməsini əhəmiyyətli dərəcədə azaldıb, həmçinin İsrail ilə bağlı mövqeyindən dolayı YUNESKO-dan da çıxıb.
Eurasia Diary bu faktla və onun nəticələri ilə əlaqədar beynəlxalq əlaqələr sahəsində olan mütəxəssislərdən şərh vermələrini istəyib.
Millət vəkili, Milli Məclisin Xarici Əlaqələr və Parlamentlərarası Əlaqələr Komitəsinin üzvü Asim Mollazadə ABŞ-ın BMT-nin İnsan Hüquqları Şurasından çıxmasının səbəbinin aydın olduğunu deyib. Onun sözlərinə görə, ABŞ-ın fikrincə bu, İsrailə qarşı açıq-aşkar kobud siyasətdir. O, bildirib ki, bəzlərinə məlum olduğu kimi ABŞ İsrailin ən yaxın müttəfiqlərindən biridir və etirazını bu şəkildə ifadə edir.
Millət vəkili ABŞ-ın təşkilatdan çıxmasının presedent olacağını və Şuranın digər üzv ölkələri üçün nümunə olacağını düşünmür. O həmçinin əmindir ki, bu qalmaqal Azərbaycana toxunmayacaq, çünki ölkə elə bu yaxınlarda BMT-nin İnsan Hüquqları Şurasına hesabatı uğurla təqdim edib.
Beynəlxalq Avrasiya Mətbuat Fondunun (BAMF) prezidenti Umud Mirzəyev BMT-ni dünyanın ən vacib qlobal strukturu hesab edir. Onun fikrincə, BMT vasitəsilə dünya problemlərinin həllini təşviq etmək mümkündür. Eyni zamanda, o deyib ki, inkişaf səviyyəsindən, ərazilərin ölçüsündən və ya ölkələrin maliyyələşdirmə paylarından asılı olmayaraq BMT-nin bütün üzv dövlətlərinə münasibət obyektiv olmalıdır. "Hər hansı bir ölkəyə üstünlük vermək olmaz. Yer kürəsi bütün insanlar üçün ümumidir, buna görə də bütün sakinlərin maraqlarını nəzərə almaq lazımdır. Qaydalar hər kəs üçün eyni olmalıdır. Bu həm də dövlətlərin sərhədlərinin suverenliyinə də aiddir hansını ki, pozmaq olmaz".
Umud Mirzəyev ABŞ-ın BMT İnsan Hüquqları Şurasından çıxmasına təəssüfləndiyini söyləyib. "Şurada səsvermə yolu ilə qətnamələr qəbul edilir. Birləşmiş Ştatlar öz mövqeyini təşkilatdan çıxmaqla deyil, aktiv fəaliyyətilə nümayiş etdirməlidir. Hər halda, bunun tələsik qərar olduğunu düşünürəm. Əminəm ki, Amerika təşkilata qayıdacaq: Bənzər halı YUNESKO ilə, ABŞ-ın 1980-ci ildə təşkilatdan çıxarkən və 2003-cü ildə yenidən daxil olması və sonra yenidən çıxması nümunəsində müşahidə etmişik.
Rus tarixçisi, politoloq Oleq Kuznetsov ABŞ-ın BMT İnsan Hüquqları Şurasından çıxmasını Vaşinqtonun uzun müddətli perspektivdə onun üçün ciddi nəticələrə səbəb ola biləcək ciddi strateji səhvi adlandırıb.
"Son 100-120 il ərzində Amerika təcavüzkar rolunda çıxış etməyə öyrəşə bilmir, biri var heç kim tərəfindən ittiham olunmayan 1950-1953-cü illərdə Koreya müharibəsində və ya 1991-ci ildə İraqda olduğu kimi təcavüzkar olmaq biri də var hamı tərəfindən mühakimə edilən təcavüzkar olmaq. ABŞ-ın siyasi məkanın seqmentlərindən birini könüllü tərk etməsi imkan verir ki, boş qalmış yeri Amerikanın rəqibləri tutsun. ABŞ-ın BMT İHŞ-dan çıxması Rusiyanın ora gəlməsinə şərait yaradır.
"ABŞ-ın BMT İHŞ-dan çıxmaqla reaksiya verməsi dünyanın aparıcı dövlətlərinin təcrübəsində ikili standartların mövcudluğunu göstərdi. ABŞ hakim dairələrinin rəsmi mövqeyinə görə mübaliğəli şəkildə desək, israillilərin cəzasız şəkildə fələstinliləri öldürmək haqqı var və onlar tərəfindən analoji cavab tədbirləri insan hüquqlarının pozulması kimi mühakimə olunmalıdır. Başqa sözlə, hamı insan hüquqlarına riayət etməlidir ancaq bəzi güclər onları cəzalandırılmadan poza bilərlər.
Natalya Quliyeva