Paşinyan Azərbaycanla sülh danışıqlarına başlamağa hazırdır - Politoloq | Eurasia Diary - ednews.net

25 Sentyabr, Şənbə

Paşinyan Azərbaycanla sülh danışıqlarına başlamağa hazırdır - Politoloq

Analitika A- A A+
Rusiya prezidenti Vladimir Putin azərbaycanlı həmkarı İlham Əliyevlə Kremldə görüşdükdən sonra balans pozulmasın deyə Ermənistanın baş naziri vəzifəsini icra edən Nikol Paşinyanla telefonla danışıb. Yayılan xəbərlərdə tərəflərin regiondakı vəziyyəti, 2020-ci il noyabrın 9-da və 2021-ci il yanvarın 11-də imzalanmış üçtərəfli razılaşmaların icrasını, o cümlədən regionda kommunikasiyaların açılmasını və digər məsələləri müzakirə etdiyi bildirilib.
 
Nikol Paşinyan Putinlə telefon söhbətindən əvvəl gün ərzində hökumətin iclasını keçirib və deyib ki, Azərbaycanla sülh danışıqlarına başlamağa hazırdır. “Sülh və sabitliyin alternativi yoxdur. Ermənistan hökuməti ölkəmiz və bölgə üçün dinc inkişaf dövrü başlatmaq vəzifəsini yerinə yetirməkdə qərarlıdır”, - deyə, Nikol Paşinyan qeyd edib.
 
Paşinyan başqa hoqqa çıxarmasa hökumətini formalaşdırdıqdan sonra dediyini etməlidir, əks halda bölgədə vəziyyət sabitləşməyəcək və Azərbaycan Ermənistanı psixoloji və hərbi təzyiq altında saxlamaqda davam edəcək. Elə bu gün Daşkəsəndə AZ TV-yə müsahibə verən prezident İlham Əliyev Azərbaycanın müəyyən qədər Ermənistanın siyasi gündəminə təsir etdiyini bildirib. Zəngəzur dəhlizi mövzusunun gündəmdə qalması bunun tərkib hissəsidir.
 
Elxan Şahinoğlu

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...